Չպետք է գերիների մասով կոծկել իրողությունը, ինչ է թե՝ ԱԺ դահլիճում իշխանականների համար մթնոլորտը չփչանա. Աննա Մկրտչյան

Մեկ րոպե առաջ պետք է փորձել գերիներին հետ բերել Բաքվից։ Այս մասին լրագրողների հետ ճեպազրույցում ասաց «Պատիվ ունեմ» խմբակցության պատգամավոր Աննա Մկրտչյանն՝ անդրադառնալով Բաքվում հայ գերիներինն խոշտանգելու մանրամասների վերաբերյալ իր ՄԻՊ ելույթին ու ԱԺ նախագահ Ալեն Սիմոնյանի արձագանքին՝ կապված ելույթի հետ:

Վերջինս ասել էր, թե խոշտանգումների մասին տվյալները բեմականացված են, և ադրբեջանցիները հայ գերիներին չեն խոշտանգել։ Նա ՄԻՊ զեկույցը կեղծ էր անվանել։

Աննա Մկրտչյանը նկատեց, որ գերիներին րոպե առաջ վերադարձնելու համար պետք է հարցը պատշաճ ներկայացնել նաև միջազգային կազմակերպություններին, բանակցել նրանց հետ ու ասել, որ մեր գեիների վիճակը իսկապես ծանր է Ադրբեջանում։

Պատգամավորը նշեց, որ կարելի է օգտագործել ՀՀ մարդու իրավունքների պաշտպանի զեկույցը՝ այն դարձնելով աշխատանքային փաստաթուղթ յուրաքանչյուրի համար և ապացուցողական ահռելի բազան, որ կա զեկույցում, օգտագործել ի նպաստ Բաքվի բանտերում գտնվող ՀՀ քաղաքացիների:

«Ամենացավալին նախրոդ օրերին ԱԺ պաշտոնը զբաղեցնող անձի սպոնտան անկեղծությունն էր հայտարարություններից հետո, երբ ինքը որոշեց, որ ՀՀ ՄԻՊ-ի զեկույցից մեջբերումը կարող է անվանել հատվածական և հորինված և որ կարիք չկար ԱԺ ամբիոնից այն բարձրաձայնել։ Պետք է ասել, որ վիճակն աղետալի է, այլ ոչ թե հերթական անգամ կոծկել այդ իրողությունը, որպեսզի ԱԺ դահլիճում հանկարծ իրենց համար մթնոլորտը չփչանա»,-ասաց պատգամավորը։