«Մենք էն ցուրտ ու մութ տարիներին ոչ ոքի չենք թողել կտրեն այդ ծառերը, հիմա ամբողջը ջարդ ու փշուր են անում»․ Ֆիզգորոդոկի բնակիչներ (տեսանյութ)

Երևանի քաղաքապետարանի առաջ բողոքի ակցիա կազմակերպած Ֆիզգորոդոկի բնակիչներից մի քանիսը հրավիրվեցին քաղաքապետարան՝ քննարկման համար։

Մինչ այդ ոստիկաններն ուժով բերման ենթարկեցին ակցիայի մասնակիցներից մի քանիսին, քանի որ նրանք փակել էին քաղաքապետարանի հարակից փողոցը:

Երևանի ավագանու «Բարգավաճ Հայաստան» խմբակցության անդամներ Արմեն Ներսիսյանը, Մարկոս Հարությունյանը և ևս մեկ-երկու անդամներ իջան հանդիպելու քաղաքացիների հետ և հասկանալու խնդիրը։

Հավաքվածները հանդիմանեցին ավագանու անդամներին, թե իրենց կարող էին կասեցնել այդ ավերածությունները, սակայն ոչինչ չեն ձեռնարկում։

«Մենք էն ցուրտ ու մութ տարիներին ոչ ոքի չենք թողել կտրեն այդ ծառերը, հիմա ամբողջը ջարդ ու փշուր են անում»,-ասաց քաղաքացիներից մեկը։

Մի կին էլ նշեց, որ իր քրոջը քիչ առաջ բռնի ուժով տարան տարածքից։

«Իրենց ուժը միայն կնոջ վրա է հերքիում․ դուք ֆաշիստ եք»,-գոռաց մեկ այլ կին։