Ամենաթողության պատճառով ադրբեջանական կողմը լկտիանում է. նրանք ցանկացած պահի կարող են կտրել Կապանը․ Վահե Հակոբյան (տեսանյութ)

Ամենաթողության պատճառով ադրբեջանական կողմը լկտիանում է: Այս մասին ԱԺ-ում լրագրողների հետ զրույցում ասաց «Հայաստան» խմբակցության պատգամավոր Վահե Հակոբյանը՝ անդրադառնալով  Որոտանի ճանապարհային հատվածում ադրբեջանցիների կողմից ոստիկանական հենակետ տեղադրելու թեմային:

Վահե Հակոբյանի փոխանցմամբ՝ ադրբեջանցիները կանգնեցնում են կոնկրետ պարսկական այն բեռնատարները, որոնք ապրանք են ներկրում Հայաստան։

«Իմ տեղեկություններով՝ մարդատար մեքենաները չեն կանգնեցնում, բայց Պարսկաստանից մտնող մեքենաներին ստիպում են, պետտուրք ասեմ, թե մաքսատուրք ասեմ՝ չգիտեմ, բայց գումար են մուրում և գանձում և թողնում են, որ շարունակեն ճանապարհը»,- ասաց Վահե Հակոբյանը։

Նա վրդովված է նաև ԱԱԾ աձագանքից, որտեղ երկրի անվտագությունն ապահովող ուժային համակարգը Որոտանը անվանել է ադրբեջանական անունով։

«Սա ի՞նչ ա նշանակում՝ մեզ կամաց-կամաց սովորեցնում են, որ դա իրոք ադրբեջանակա՞ն տարածք է։ Իսկ Սև լճի տարածքում ադրբեջանցիները պատրաստվում են ձմեռվան»,-ասաց պատգամավորը։

Ավելի վաղ նշել էինք, որ «Հայաստան» խմբակցության պատգամավորներներն առաջարկեցին 20 րոպե ընդմիջում վերցնել՝ պահանջելով ձևաչափ գտնել քննարկում կազմակերպելու համար վերջին օրերին Սյունիքի սահմանին տեղի ունեցող իրադարձությունների հետ կապված:

«Ինչ դատավոր, ինչ ԲԴԽ ընտրություն։ Այսօր կարևորը Սյունիքի հարցն է։ Դուք պատկերացնում եք, չէ՞, որ ադրբեջանական կողմը ցանկացած պահի կարող է կտրել Կապանը»,- ասաց Վահե Հակոբյանը։

Մանրամասները՝ տեսանյութում