Ստեփանակերտում ամեն օր Շուշիից կրակոցներ ենք լսում․ փառք Աստծո, զոհեր չկան, բայց խուճապ է, որը կարծես պայմանավորեցրել են Արցախի իշխանության հետ․ Մ․Հակոբյան (վիդեո)

Իրենք թիմակիցներով պահում են Արայիկ Հարությունյանին՝ որպես Արցախի հանրապետության նախագահ, որպես իշխանություն։ Այս մասին լրագրողների հետ հանդիպմանն ասաց Արցախի ԱԺ «Արդարություն» խմբակցության պատգամավոր Մետաքսե Հակոբյանը։

Նա նկատում է, որ այսօր շատերն Արցախում չեն կարողանում հացի խնդիր լուծել, շատերն էլ տանիք չունեն իրենց գլխին։

«Նոյեմբերի 9-ից հետո համարյա ոչինչ չի փոխվել. հակառակն, այս իշխանություններն ամեն ինչ անում են, որ մարդիկ, բնակչությունն անընդհատ ընկճված և հուսահատված լինի: Այն խուճապը, որ տարածում էին պատերազմի ընթացքում, շարունակում են ներկայիս իշխանությունները: Ուզում են մարդկանց հասցնել այն հոգեվիճակին, որ նրանք ապրեն մեկ օրով ու ժամով»,- ասաց Մետաքսյա Հակոբյանը։

Նա նկատում է նաև, որ այսօր Արցախում այնպիսի իրավիճակ է, որ մի կողմից գործազրկություն է, մյուս կողմից մարդիկ ունեն հացի խնդիր: Եթե դու անձամբ վարչապետի ամենամոտ շրջապատից, նրան գովերգող չես, աշխատանք գտնել չես կարող: 

Բացի այդ, Մետաքսյա Հակոբյանի խոսքով, թշնամին թիրախավորում է բնակելի վայրերը։ 

«Ստեփանակերտում մենք լսում ենք Շուշիից արձակվող կրակոցները։ Ճիշտ է՝ զոհեր չեն լինում, բայց արդեն խուճապ է առաջանում և այնպիսի տպավորություն է, որ դա պայմանավորեցրած է Արցախի իշխանության հետ»,- ասաց Մետաքսյա Հակոբյանը։