Խոսում են մարդիկ, որոնք բանակից շատ հեռու են. ես նրանց հետ խոսելու բան չունեմ. Սեյրան Օհանյան (տեսանյութ)

Այո՛, իմ ժամանակ եղել են թերություններ, բայց դուք ուզո՞ւմ եք, որ ես ծափահարեմ «արա»-ով խոսելու համար:  Այս մասին այսօր, Ազգային ժողովում հայտարարեց «Հայաստան դաշինք» խմբակցության ղեկավար Սեյրան Օհանյանը՝ անդրադառնալով երեկ՝ օգոստոսի 25-ին «Իմ քայլը» խմբակցության պատգամավոր  Հայկ Սարգսյանի հնչեցրած տեսակետին, թե բոլոր պաշտպանության նախարարների պաշտոնավարման օրոք դասալիքներ են եղել;

Սեյրան Օհանյանը նկատեց, որ բանակը զարգացել է բոլոր նախարարների օրոք, և բոլոր նախարարների օրոք էլ եղել են թերություններ, բայց երբ դրանից խոսում են բանակի հետ ընդհանրապես ոչ մի առնչություն չունեցողները՝ դա վիրավորական է:

«Ինձ մոտ տպավորություն է, որ ես պաշտպանության նախարար եմ, իսկ դուք ընդդիմությունն եք։ Այս կաղապարված խոսակցություններով ամենամեծ հարվածը բանակի իմիջին դուք եք հասցնում։ Մեր բանակը բոլոր ղեկավարների օրոք զարգացել է, բայց խոսում են մարդիկ, որոնք բանակից շատ հեռու են։ Ես չեմ մտնում որևէ մեկիդ մասնագիտական կարողությունների մեջ, բայց երբ խոսքը գնում է բանակի մասին, ես ավելի շատ կարող եմ թերություններ եւ դրական կողմեր ասել։ Եթե խոսում եք, պետք է փաստեր լինեն։ Այո՛, իմ ժամանակ եղել են թերություններ, ես չեմ խորշում։ Բայց դուք ի՞նչ եք ուզում, որ ես ծափահարեմ վիրավորանքներով և «արա»-ով խոսելու համա՞ր։ Դա այս տեսարանին վերածելը ոչ թե խփելու մտադրություն է ունեցել, այլ վրդովմունքի, և ոչ թե զենք լինելու դեպքում զենք կիրառելու։ Մի անձնավորություն, որը մեկ վայրկյանում մարդկային նաև մտերիմ հարաբերությունները փողոցային բամբասանքի է վերածում, ես նրա հետ խոսելու բան չունեմ»,- ընդգծեց Սեյրան Օհանյանը։

Մանրամսները՝ տեսանյութում