Ի վերջո հասկացա՞ք, որ այսպես խաղաղություն չեն կառուցում. Աննա Գրիգորյանը՝ ադրբեջանցիների կողմից Կապանի ճանապարհը փակելու մասին (տեսանյութ)

Երեկ զինված ադրբեջանցիները փակել են Գորիս-Կապան միջպետական ավտոճանապարհը: Այս մասին վարման կարգով Ազգային ժողովում հայտարարեց «Հայաստան» դաշինքի պատգամավոր Աննա Գրիգորյանը:

Նա նկատեց, որ շրջափակման մեջ ընկած քաղաքացիներին շրջափակումից դուրս են բերել ռուս խաղաղապահների միջնորդությամբ: 

«Ուզում եմ հիշեցնել, որ այդ ճանապարհն այս իշխանությունը, մեր բոլորի թիկունքում պայմանագիր ստորագրելով, հանձնել է թշնամուն՝ ասելով, որ այդպես է ապահովում Սյունիքի անվտանգությունը: Ի վերջո՝ կարողացա՞ք ապահովել Սյունիքում անվտանգությունը: Երկու օր է խոսում եք խաղաղությունից՝ ի վերջո հասկացա՞ք, որ այսպես խաղաղություն չեն կառուցում, պարտված, պարտության կուսակցությունը չի կարող բերել խաղաղություն, արժանապատիվ խաղաղություն, այլ միայն ազգային նվաստացում»,-ասաց Աննա Գրիգորյանը:

Նրան որևէ կերպ չարձագանքելով՝ ԱԺ նախագահ Ալեն Սիմոնյանը հանգիստ տոնով շարունակեց նիստը՝ հիշեցնելով երեկվա ԱԺ բախումները:

Հիշեցնենք, որ երեկ՝ օգոստոսի 25-ին, ադրբեջանցիները փակել են Կապան-Գորիս միջպետական ճանապարհի Կատարի-Կարմրաքար` 16-18 կմ հատվածը:

Այդ հատվածում են մնացել մոտ 40 մեքենաներ, որից 25-ը մարդարար, որոնցում կան երեխաներ: ՀՀ սահմանապահ զորքերը ռուս խաղապահների հետ տեղում եմ, սակայն, ինչպես ինձ փոխանցեցին, ադրբեջանցիները հրաժարվում են բացել ճանապարհը: