Հայ դատը հայ ազգի բաբախող սիրտն է. Արամ Համբարյանի կոչը

Հայ դատի Ամերիկայի հանձնախմբի գործադիր տնօրեն, Հայ դատի Կենտրոնական խորհրդի անդամ Արամ Համբարյանը հանդես է եկել Հայ դատի կառույցի ամրապնդման ու մեր ժողովրդի իրավունքների համար պայքարն ավելի ուժեղացնելու կոչով։

«Հայ դատը հայ ազգի բաբախող սիրտն է, ընդհանուր նպատակներին ծառայության կենդանի ոգին։
Մեր համաշխարհային շարժումը, որը հիմնադրվել, ներշնչվել և կազմակերպվել է Հայ դատի հանձնախմբերի կողմից աշխարհի կարևոր մայրաքաղաքներում, տասնյակ երկրներում և հարյուրավոր համայնքներում, այսօր էլ, ինչպես ավելի քան մեկ դար, պայքարում է հանուն հայ ժողովրդի իրավունքների, Արցախի գոյատևման և Հայաստանի անվտանգության։

Հայության շահերի պաշտպանության մեր ինքնավստահ և արդյունավետ կառույցը այժմ, առավել քան երբևէ ավելի անհրաժեշտ է։

Նույնիսկ գլոբալ տերություններն են աչք փակում այն վտանգների վրա, որոնք սպառնում են մեր գոյատևմանը, նրանք ամոթալի կերպով ցանկանում են հայերին հավատացնել, որ որևէ սխալ բան չկա՝ հույս ունենալով, որ մեր հպարտ ազգի որդիներն ու դուստրերը պարզապես գլուխները կխրեն ավազի մեջ, այլ ոչ թե տեր կանգնեն մեր իրավունքներին:

Այսօր, առավել քան երբևէ, մեզ հարկավոր է անխախտ բարոյական ուղեցույց, գործողության հստակ շեփորային կանչ, անձնուրաց ծառայության ու զոհաբերության ոգի, ինչը մեր ազգը պահպանել է հազարամյակներ շարունակ։

Ուստի խնդրում եմ, հիմա, առավել քան երբևէ, առատորեն ներդրեք ձեր ժամանակը, տաղանդն ու կարողությունը՝ հանուն Հայ դատի ամրապնդման, հանուն մեր սիրելի ազգի ապագայի համար միասնական պայքարի»։