Մեսսիի համար իմ թիմում միշտ տեղ կգտնվի. Ռամոս

 «ՊՍԺ»-ի նորեկ, պաշտպան Սերխիո Ռամոսը խոսել է արգենտինացի հարձակվող Լիոնել Մեսսիի խաղի մասին, նաև պատմել փարիզցիներ հարձակվող Նեյմարի հետ իր հարաբերությունների մասին:  

«Ինձ դուր է գալիս խաղալ լավագույն ֆուտբոլիստների հետ, և Մեսսին աշխարհում լավագույններից մեկն է: Ես միշտ ասել եմ, որ նրա համար միշտ տեղ կգտնվի իմ թիմում:

Չնայած այն բանին, որ Նեյմարը խաղում էր «Բարսելոնա»-ում, իսկ ես՝ «Ռեալ»-ում, մենք լավ հարաբերություններ ունեինք: Նա ինձ նամակ գրեց՝ հորդորելով տեղափոխվել «ՊՍԺ»: Ես գնահատում եմ այդպիսի հարաբերությունները»,- Ռամոսի խոսքը մեջբերում է «Mundo Deportivo»-ն՝ հղում անելով «TNT Sports»-ին: 

Ռամոսը «Ռեալ»-ը լքեց հունիսի վերջին՝ պայմանագրի ժամկետի ավարտին: «Արքայական ակումբում» նա սկսել է խաղալ 2005 թվականից: Ակումբի հետ 35-ամյա ֆուտբոլիստը 5 անգամ դարձել է Իսպանիայի չեմպիոն, երկու անգամ նվաճել է երկրի գավաթը, չորս անգամ՝ Սուպերգավաթը, 4 անգամ դարձել Չեմպիոնների լիգայի հաղթող, 3 անգամ դարձել ՈՒԵՖԱ-ի Սուպերլիգայի գավաթակիր և չորս անգամ հաղթող դարձել աշխարհի ակումբային առաջնության ժամանակ: