Ադրբեջանցիները հայ զինվորներին և ռուս խաղաղապահներին պարբերաբար ճնշում են ասելով՝ «Мы головорезы», «հեռացե՛ք, քանի կենդանի եք»․ Հոխիկյան

Այն հայերը, որոնց թվում է, թե վերջ, այսպես կոչված «խաղաղությամբ» ապրելու ենք Ադրբեջանի կամ Թուրքիայի հետ, պարզապես, մեղմ ասած, սխալվում են։ Այսպիսի իրադարձությունները հաճախակի բնույթ են կրելու։ Այսօր Երասխի հատվածում տեղի ունեցած միջադեպի մասին խոսելով` ասաց մեդիափորձագետ, լրագրող Նաիրի Հոխիկյանը։

«Ադրբեջանը հիմա փորձելու է նմանատիպ բազմաթիվ սադրանքներ իրականացնել՝ ելնելով նրանից, որ միևնույն է՝ ես կրակում եմ, սակայն հայերը չեն պատասխանում։ Նրանք առաջիկայում կփորձեն նաև սադրանքներ իրականացնել ռուսների նկատմամբ։ Ես, օրինակ, բառացի, ականատես եմ եղել նրան, որ ադրբեջանցիները սպառնում են ռուս շարքային խաղաղապահներին՝ «Հեռացե՛ք, քանի կենդանի եք» ասելով։ Ավելին, նրանք օգտագործում են «Мы головорезы», այսինքն՝ մենք գլխակեր ենք, գլուխ կտրողներ ենք։ Նրանք պարբերաբար նման արտահայտություններ են ասում և՛ հայ զինծառայողներին, և՛ ռուս խաղաղապահներին՝ հոգեբանական ճնշում գործադրելով»,- նշեց Հոխիկյանը։