Ռուսաստանից հատուկ խմբեր են աշխատել Հայաստանում՝ երեք շաբաթ շարունակ հավաքելով ահռելի ինֆորմացիա․ Գաբրելյանովը պարզաբանում է

Ռուսաստանաբնակ հայ մեդիագործիչ Արամ Գաբրիելյանովը տելեգրամյան իր ալիքում գրել է

«Իմ ուսուցիչներն (ես Մոսկվայի պետական համալսարանում ունեցել եմ մեծ ուսուցիչներ) ասում էին՝ այն բանի համար, որպեսզի հասկանաս ինչո՞ւ (հարցի պատասխանը), պետք է իմանաս՝ ո՞վ, ի՞նչ, որտե՞ղ և ե"րբ (հարցերի պատասխանները)։ Ուղիղ երեք շաբաթ Ռուսաստանից մասնագետների մեծ խումբ է աշխատել Հայաստանում։ Արդեն կարող եմ ասել՝ աշխատանքները ֆինանսավորել եմ ես, մասնագետներին ներգրավել եմ անձամբ ես։ Պայմանները, բացի մասնագիտականից, շատ խիստ էին։ Ոչ մեկը «հատուկներից» չպետք է կապ ունենար հայերի կամ Հայաստանի հետ։

Անհրաժեշտ էր սթափ գնահատական, անհրաժեշտ էին առարկայական տվյալների, անհրաժեշտ էին մարդիկ, որոնք ունեին կապեր՝ բացառիկ ինֆորմացիա ստանալու համար։ Խմբերն աշխատում էին սոցիոլոգների, ազգագրագետների և պարզապես տուրիստների անվան տակ։

Հարցմանը մասնակցել են հազարավոր տարբեր մարդիկ։ Հավաքվել է ինֆորմացիայի ահռելի զանգված, հազարավոր բացառիկ հարցազրույցներ՝ Հայաստանի քաղաքացիներից, տարբեր սոցիալական խմբերին պատկանող Ռուսաստանի հայերից․ սկսած տաքսիստներից մինչև հատուկ ծառայությունների աշխատակիցներ, բարձրաստիճան պաշտոնյաներ, մարդիկ, որոնք մոտ են օլիգարխներին։ Արդյունքները դեռ մշակվում են, սակայն առաջին արդյունքները, որոնք ինձ զեկուցում են, ունենալու է ահռելի մեծ արձագանք։

Կարճ ասած՝ ինչպես ասել է մի մեծ ռուս մարդ զրույցի ընթացքում․ «Արա՛մ, ամեն բան այնպես չէ, ինչպես թվում է»։

Աշխատանքը շարունակվում է։ Մշակվում է ինֆորմացիայի ահռելի քանակություն։ Դա արագ անելու բան չէ, դյուրին գործ չէ։ Սակայն մասնագետներն իրենց գործը գիտեն»։