Ուզում եմ հույս հայտնել, որ այս տեմպերով «Միսս աշխարհ» գեղեցկության մրցույթին Հայաստանը Քյարամյանը չի ներկայացնի․ իրավաբան. «Իրավունք»

«Իրավունք» թերթը գրում.

«Հայաստանի քննչական կոմիտեի նախագահ է նշանակվել իր կարճատև պաշտոնավարումներով ռեկորդակիր համարվող 30-ամյա Արգիշտի Քյարամյանը։

Հիշեցնենք, որ Նիկոլ Փաշինյա­նի իշխանության երեք տարիների ըն­թացքում նա հասցրել է 10 անգամ պաշտոնի նշանակվել, որից միայն հինգը՝ ԱԱԾ-ում և Քննչական կոմիտեում: Թե որն է Քյարամյանի ֆենոմենը, «Իրավունքը» պարզեց իրավաբան Ռոբերտ Հայրապետյանի տեսակետը:

-Արգիշտի Քյարամյանի պաշտոնավարման վե­րաբերյալ բավական ծավալուն մասնագիտական վերլուծություն եմ արել դեռևս այն ժամանակ, երբ նա նշանակվեց ԱԱԾ տնօրենի տեղա­կալ, այնուհետև՝ ԱԱԾ տնօրեն: Եվ մինչև հիմա շարունակում եմ պնդել, որ նա այդ պաշտոնները զբաղեցրել է «Ազգային անվ­տանգության մարմիններում ծառայության մասին», «Վարչական վարույթի մասին», «Հան­րային ծառայության մասին» օրենքների կոպտագույն խախտմամբ:

Նիկոլ Փաշինյանի որոշմամբ՝ Քննչական կոմիտեի նախագահի պաշտոնում նրա նշանակումն էլ, ըստ էության, ակնհայտորեն հակասության մեջ է «Հանրային ծառա­յության մասին» օրենքով ամրագրված կարևորագույն սկզբունքների հետ, ինչպիսին է, օրինակ, պրոֆեսիոնալիզ­մը և այլն: Ժամանակի հարց է, կա­րելի է անգամ վիճարկել այս նշա­նակումը վարչական դատարա­նում: Այլ մեկնաբանություն Քյարամյանի նշանակման մասով չեմ կարող տալ, միայն ուզում եմ հույս հայտ­նել, որ այս տեմպերով «Միսս աշխարհ» գեղեցկության մրցույթին Հա­յաստանը Արգիշտի Քյարամյանը չի ներկայացնի: Անձին այս պաշտո­նից այլ պաշտոնի տանել միայն նրա հա­մար, որ վերջինս ունենա զբաղվածություն պետական ապարատում, առնվազն անտ­րամաբանական է»,-գրում է թերթը։

Մանրամասները՝ թերթի այսօրվա համարում։