Գյումրիի մանկատներում երեխաներին բռնության են ենթարկում. (տեսանյութ)

«Գյումրիի հատուկ խնամքի տներում և մանկատներում ոտնահարվում է երեխաների և նրանց ծնողների իրավունքները»,- այս մասին newspress.am-ի հետ զրույցում բարձրաձայնեց «Լոգոս» ԿՀ-ի խորհրդի անդամ Արա Մելիքջանյանը։

Վերջինս ուսումնասիրություններ է կատարել «Երեխաների սոցիալական աջակցության կենտրոն» ՊՈԱԿ-ում, «Ֆ․Նանսենի անվան երեխաների խնամքի եւ պաշտպանության թիվ 2 գիշերիօթիկ հաստատությունում», «Երեխաների տուն» ՊՈԱԿ-ում եւ «Թրչունյան տուն» մանկատուն-կրթարանում, որտեղ երեխաների նկատմամբ բռնություն է գործադրվել։

Այս առումով նա մասնավորապես մատնանշեց «Գյումրի քաղաքի երեխաների սոցիալական աջակցության կենտրոն» ՊՈԱԿ-ի գործունեությունը:

«Այս հաստատության սաներից 37-ը նշել են, որ հաստատությունում իրենց նկատմամբ որպես պատիժ երբեմն կիրառվում են տարբեր պատժամիջոցներ. զրկում են տրանսպորտի գումարից, տարաբնույթ միջոցառումներից, խփում են, կամ կենտրոնից տուն են ուղարկում»,-ասաց Արա Մելիքջանյանը։

«Թրչունյան տուն» կենտրոնի երեխաները ևս նշել են, որ իրենց հետ լավ չեն վարվում։

Ինչ վերաբերում է Ֆ․ Նանսենի անվան խնամքի գիշերօթիկ հաստատությունն, ապա թեև հաստատությունն ապահովված է առաջին բժշկական օգնության ծառայությամբ և բժշկական սարքավորումներով, սակայն Արա Մելիքջանյանը ասում է, որ հիգենիայի պարագաները ժամանակին չեն տալիս։

Խնդրի առկայությունը պարզելու համար newspress.am-ն այցելեց Ֆ․Նանսենի անվան կենտրոն: Այստեղ, էլեկտրիկները, չգիտես ինչու, իրենց իրավունք վերապահեցին թույլ չտալ մեզ բարձրանալ հաստատության տնօրենի մոտ` պատճառաբանելով, թե տնօրենը տեղում չէ։

Քիչ անց պարզվեց, որ, այնումենայնիվ, տնօրենը տեղում է, սակայն հրաժարվեց հարցի շուրջ որևէ պարզաբանում տալ:

Մանրամասները՝ տեսանյութում