Հաղորդումն այդպես էլ չհեռարձակվեց և իմ տվյալներով` ընդհանրապես չի հեռարձակվելու․ Հայկ Մարտիրոսյանը՝ իր և Սաֆարյանի բանավեճի մասին

Անցյալ շաբաթ ՖրիՆյուզ FreeNews (թարգմանաբար` ԱզատԼուրեր) լրատվականի հրավերով գնացի բանավեճի` Ստյոպա Սաֆարյանի հետ: Այս մասին ֆեյսբուքյան իր էջում գրել է քաղաքագետ Հայկ Մարտիրոսյանը։ Նա նշել է, որ բանավեճը պետք է տեղի ունենար նոր հարղորդման շրջանակում։

«Դա նոր հաղորդաշարի առաջին թողարկումն էր, որի բացումը լինելու էր հենց իմ և Ստյոպա Սաֆարյանի բանավեճով:

Տեսագրությունը կատարվեց պրոֆեսիոնալ մակարդակով: Իմ տպավորությամբ` Ստյոպա Սաֆարյանը, բանավեճի արդյունքում տաղավարը լքեց ոչ լավ տրամադրությամբ: Իմ կողմից` բացի Սաֆարյանին կոշտ քննադատության ենթարկելուն` հնչեց նաև կոշտ քննադատություն իշխանության հասցեին: Առանց հայոյանքների և գռեհկաբանությունների, իհարկե:

Ըստ լուրերի` FreeNews լրատվամիջոցը, որ հիմա հեռարձակվում է նաև կաբելային հեռուստակայաններով` իշխանությանը` մասնավորապես Ալեն Սիմոնյանին փոխկապակցված լրատվամիջոց է:

Խոստացան, որ հաղորդումը կհեռարձակեն հաջորդ օրը:

Հաղորդումն այդպես էլ չհեռարձակվեց, չտեղադրվեց ՅուԹյուբում և իմ տվյալներով` ընդհանրապես երբևէ չի էլ հեռարձակվելու:

Իմ տվյալներով` հաղորդումն ընդհանրապես այդ անդրանիկ տեսագրությունից անմիջապես հետո փակվել է:

Այն ամենն` ինչ անհրաժեշտ է իմանալ` ինքն իրեն «Ազատ Լուրեր» հորջորջող և «Ազատ» ինքնանվանված լրատվամիջոցի մասին:

Բոլոր ընդդիմադիր գործընկերներիս կոչ եմ անում ՖրիՆյուզ գնալուց առաջ երկու անգամ մտածել. կարո՞ղ է արդյոք վերջում պարզվի, որ իրենք ժամանակ և ջանք վատնեցին իզուր և նկարահանվեցին մի տաղավարում, որտեղից փաստորեն որևէ նյութ կարող է այդպես էլ չթողարկվել եթեր:

Գրաքննություն կա´ գրաքննություն:

Ազատ լրատվամիջոց չկա´ ազատ լրատվամիջոց»,-գրել է քաղաքագետը։