Եթե ես չսպասեմ, «պասաժիրը» դեմքիս կթռնի. մեկ րոպեն բավարար չէ. տաքսիստ. (տեսանյութ)

Օրեր առաջ կառավարությունը հավանություն տվեց երթևեկությանը վերաբերող մի շարք օրենքներում փոփոխություններ կատարելու մասին օրենքի փաթեթին, որոնք վերաբերում են տեսանկարահանող սարքերի կողմից արձանագրվող խախտումներին:

Մասնավորապես, անդրադառնալով տաքսիների կայանման հետ կապված կետին, ՀՀ արդարադատության նորանշանակ նախարար Արփինե Հովհաննիսյանը ներկայացրել է, որ այսուհետ, բոլոր այն վայրերում, որտեղ նախկինում արգելվում էր կայանել ուղևոր վերցնելու կամ իջեցնելու համար, այժմ կթույլատրվի, սակայն դրա համար հատկացվում է 1 րոպե ժամանակ: Արփինե Հովհաննիսյանի գնահատմամբ, 1 րոպեն բավական է, որ ուղևորները հասցնեն, իջնել, կամ հակառակը` նստել տաքսի: Նա հիմնվել է կատարված որոշ ուսումնասիրությունների վրա:

Թե կոնկրետ ինչ հիմքով է հայտարարել, տաքսիստներին չի հետաքրքում: Նրանք իրենց փորձն ունեն:

newspress.am-ի հետ զրույցում տաքսիստները նկատեցին, որ մեկ րոպեն բավական չէ և այս փոփոխությունն ամեևին էլ իրենց օգտին չէ:
«Եթե ես չսպասեմ, պասաժիրը դեմքիս կթռնի. մեկ րոպեն բավարար չէ: Կամ ասենք ինվալիտ մարդ ա նստում, ես ոնց չսպասեմ» ,- դժգոհեցին տաքսիսիտները:

Մանրամասները` տեսանյութում