Երկիրը հայաթափվում է, իսկ կառավարությանն ուրախացնում է, որ գործազուրկները 1․5 %-ով նվազել են

Հայաստանի կիսակազմավորված կառավարությունում ուրախացել են՝ գործազրկությունը նվազել է: Այդ մասին կառավարության կայքէջում շտապել են տեղեկատվություն հրապարակել.

«Հայաստանում գործազրկության մակարդակը 2021թ-ի առաջին եռամսյակում 2020թ-ի նույն ժամանակահատվածի համեմատ նվազել է 2.7 տոկոսային կետով՝ 19.7%-ի փոխարեն կազմելով 17%...»:

Նույն հաղորդագրության մեջ ասվում է նաև, որ զբաղվածության մակարդակն ավելացել է 1.5 տոկոսով․․․․

Սա կառավարության ձեռագիրն է՝ ժղովորդին կառավարելու և նրանց իրական խնդիրներից շեղելու համար դիմել հասարակությանը հաճելի մանիպուլյացիայի․․․

Հնարավոր է այս թվերը չեն ստում, բայց ստում է կամ, ավելի ճիշտ, այս դեպքում կեղծում է կառավարությունը․․․

Նախ պետք է արձանագրենք, որ համեմատությունը կատարվել է 2020 թվականի այն շրջանի նկատմամբ, երբ կորոնավիրուսային համաճարակով պայմանավորված՝ պասիվ վիճակ էր առհասարակ բոլոր ոլորտներում․ մարդիկ չէին աշխատում և, առհասարակ, փակ էին բոլոր տիպի հաստատությունները։

Այդ շրջանում արձանագրվեց, որ բնակչության ավելի քան 70%-ն անգործության է մատնված։ Այժմ այդ շրջանի հետ համեմատելով՝ կառավարությունն իր համար արձանագրել է՝ գործազրկության մակարդակը նվազել է․․․

Սա իր հերթին, մյուս կողմից էլ այս  տարվա, առաջին եռամսյակում Հայաստանից ավելի շատ մարդ մեկնել է, քան ժամանել․․․

Ասել է թե՝ գործազուրկներն արտագաղթել են։ Նրանց թիվը Հայաստանում բնական է, որ պետք է նվազեր, բայց դրանից հայ ժողովրդի վիճակը բնավ չի լավացել, քանի որ հայտնի տեսություն է՝ երկրում միգրացիոն հոսքերը սովորաբար կտրուկ աճում են այն ժամանակ, երբ մարդկանց շրջանում առկա է անորոշություն, գործազրկություն և նրանք ապագայի նկատմամբ ոչ մի հույս չունեն․․․

Հայաստանից արտագաղթել են հիմնականում նրանք, ովքեր՝ կամ ի սկզբանե աշխատանք չեն ունեցել, կամ տարբեր պատճառներով զրկվել են աշխատանքից, և կամ էլ՝ աշխատավարձը չի բավարարել նորմալ ապրելու համար․․․ սա չի քննարկվում․․․

Իսկ որպեսզի ավելի փաստացի լինի, ապա նշենք, որ ըստ պաշտոնական վիճակագրության` 2021թ.-ի հունվար-մարտին ՀՀ-ից դուրս է եկել ՀՀ 127 338 քաղաքացի, մուտք գործել՝ 63 625-ը:

Այսինքն՝ 3 ամսում Հայաստանից անվերադարձ հեռացել է 63 713 ՀՀ քաղաքացի:

Այս ֆոնին հայտարարել, թե գործազրկությունը 1,5 տոկոսով կրճատվել է՝ առնվազն խեղկատակություն է․․․ կամ, ինչպես ընդունված է ասել, մոնիպուլյացա, որով կառավարությունը հերթական անգամ փորձում է հասարակության աչքերը փակել այդ նույն հասարակության հենց քթի տակ տեղի ունեցող իրադարձությունների վրա, որոնցից է օրինակ Փաշինյան-Ալիև հանդիպումն ու այդ հանդիպման ժամանակ հնարավոր պայմանավորվածության ձեռք բերումը, որը հազիվ թե հայերի օգտին լինի․․․ 

Ի դեպ, դրան դեռ կանդրադառնանք առանձին թեմայով, իսկ առայժմ նախկիններին մեղադրող ու «Փաշինյան» ընտրած քաղաքացիները, անտեսելով երկրի հայաթափման պատճառները, կուրախանան կառավարության հաղորդագրությամբ՝ թե գործազրկությունը նվազել է 1,5 տոկոսով․․․

Արմինե Մկրտումյան