Նախկին կոռուպցիոները Գագիկ Ջհանգիրյանի միջնորդությամբ ընտրվել է Վերաքննիչ քրեական դատարանի նախագահ

Newspress.am-ի տեղեկություններով, ԲԴԽ նախագահ Գագիկ Ջհանգիրյանի միջնորդությամբ, այսօր Վերաքննիչ քրեական դատարանի նախագահ է ընտրվել Տիգրան Սահակյանը։

Նշենք, որ վերջինս 2008-ից 2016 թվականներին ևս զբաղեցրել է ՀՀ վերաքննիչ քրեական դատարանի նախագահի պաշտոնը: 2016 թվականի փետրվարի 19-ին ՀՀ նախագահ Սերժ Սարգսյանի հրամանագրով նշանակվել է ՀՀ վերաքննիչ քրեական դատարանի դատավոր:

Տիգրան Սահակյանն իր ղեկավարման տարիներին «հասցրել է» աչքի է ընկել իր անարդարացի որոշումներով, հայտնի է որպես «նախկին թալանչի և կոռուպցիոներ իշխանության ներկայացուցիչ»։

Թե ինչո՞ւ են հեղափոխական իշխանությունները Գագիկ Ջհանգիրյանի թեթև ձեռքով, նախկին կոռուպցիոներին կրկին նշանակել ՀՀ վերաքննիչ քրեական դատարանի դատավոր, առաջացնում է մի շարք հարցեր։

Ձեզ ենք ներկայացնում, Տիգրան Սահակյանի և նրա ընտանիքի անդամների հայտարարագրած ունեցվածքը՝ 2019-ի հունիսի դրությամբ։

Բարձրաստիճան պաշտոնատար անձանց էթիկայի հանձնաժողովին 2011 թ-ին ներկայացրած հայտարարագրից պարզ է դառնում, որ դատավորի որդին՝ Վազգեն Սահակյանը քննիչ է աշխատում:

2011թ-ին, երբ Տիգրան Սահակյանը վերաքննիչ քրեական դատարանի նախագահ էր, հայտարարագրել է 7,5 միլիոն դրամ: Նա 18 միլիոն 838 հազար դրամի փոխառություն է հանձնել, որից հարկային տարվա վերջում հետ է վերադարձվել 3,5 միլիոն դրամը: Նրա եկամուտները կազմել են 12 միլիոն 884 հազար դրամ, որը ստացվել է աշխատավարձից:

2012 թ-ին նրա դրամական միջոցները կազմել են 7 միլիոն 300 հազար դրամ, իսկ աշխատավարձիս ստացված եկամուտը՝ 15միլիոն դրամ:

2013 թ-ին դատավորի խնայողությունները կազմել են 8 միլիոն 700 հազար դրամ, իսկ եկամուտները՝ 14 միլիոն 412 հազար:

2014 թ-ին Տիգրան Սահակյանը հայտարարագրել է 8,5 միլիոն դրամ: Նրա եկամուտները կազմել են 17 միլիոն 735 հազար դրամ:

2015 թ-ին նրա դրամական միջոցները կազմել 8 միլիոն 200 հազար դրամ, իսկ եկամուտները՝ 15 միլիոն 703 հազար դրամ:

2016 թվականին՝ վերաքննիչ քրեական դատարանի դատավորի պաշտոնը ստանձնելիս նա հայտարարգրել է աշխատավարձից ստացված 1 միլիոն 215 հազար դրամ եկամուտը: Արդեն տարեկան հայտարարագրում նա հայտարարագրել է՝ 8 միլիոն դրամ: Հարկային տարվա վերջին նրա աշխատավարձից ստացված եկամուտը կազմել է 18 միլիոն 420 հազար դրամ:

2017 թ-ին, նրա խնայողությունները կազմել են 7 միլիոն 770 հազար դրամ, եկամուտները կազմել են 13 միլիոն 666 հազար դրամ:

2018 թ-ին դատավորի դրամական միջոցները կազմել են 4 միլիոն 100 հազար դրամ, իսկ եկամուտները՝ 13 միլիոն 494 հազար դրամ:

Դատավոր Տիգրան Սահակյանի կնոջ՝ Անահիտ Սահակյանի 2011-2016 թվականների հայտարարգրերում ոչինչ նշված չէ: 2017 և 2018 թվականներին էլ նրա աշխատավարձից ստացված եկամուտը կազմել է 480 հազարական դրամ:

Դատավորի դուստրը՝ Գոհար Սահակյանը 2011 թ-ին հայտարարագրել է 4 միլիոն 400 հազար դրամ, 2012 թվականին՝ 4 միլիոն 250 հազար դրամ, 2013 թ-ին՝ 4 միլիոն 50 հազար դրամ, 2014-ին՝ 2 միլիոն 50 հազար դրամ, 2015 թ-ին՝ 1 միլիոն 800 հազար դրամ, 2016 թ-ին՝ 1 միլիոն 250 հազար դրամ, 2017 թ-ին՝ 1 միլիոն 50 հազար դրամ, իսկ 2018 թ-ին՝ 650 հազար դրամ: