Եթե չեն ստորագրել՝ կեղծիքի պաշտպան են. կեղծված հանրաքվեն իրենց խղճին է

«Խնդիրը չստորագրողներինն է»,- այս մասին newspress.am-ի հետ զրույցում ասաց ՀԱԿ խմբակցության քարտուղար Արամ Մանուկյանը՝ անդրադառնալով հանրաքվեի արդյունքները Սահմանադրական դատարանում վիճարկելու նպատակով ստորագրահավաքին:

Առայժմ ստորագրահավաքին են միացել 15 պատգամավոր, մինչդեռ ՍԴ դիմելու համար անհրաժեշտ է 27 պատգամավորի ստորագրություն, որի համար վերջնաժամկետը դեկտեմբերի 18-ն է:

Արամ Մանուկյանը նկատեց, որ փորձում են հավաքել անհրաժեշտ քանակության ստորագրություններ: Նրա խոսքով՝ կեղծիքների մասին տեղեկությունները, տեսագրությունները ոչ միայն սփռված են ցանցում, այլ նաեւ համապատասխան մարմիններ կան, որոնք հաստատում են այդ խախտումների մասին

«Դժվար է, իհարկե, հավաքել, բայց խնդիրը մերը չէ, խնդիրը չստորագրողներինն է: Եթե չեն ստորագրում ուրեմը դառնում են կեղծիքի պաշտպան»,- ասաց Արամ Մանուկյանը՝ հավելելով, թե հիմա արդեն կերևա՝ ով է կողմ, որ կեղծիքներով սահմանադրություն փոխվի:

«Մենք մերն արել ենք: Հիմա մնացածն իրենց խղճին է: Դեռ 2 օր ժամանակ կա ու վստահ եմ, որ դեռ 27 ստորագրություն կհավաքենք»,- նկատեց ՀԱԿ ներկայացուցիչը:
Թե ինչ քայլեր կձեռնարկեն, եթե չհավաքեն անհրաժեշտ քանակությամբ ստորագրություններ, Արամ Մանուկյանը նկատեց.«Եթե-ի մասին կխոսենք 2 օր հետո…»:

Հիշեցնենք, որ ՀԱԿ խմբակցության նախաձեռնությամբ ստորագրահավաք՝ հանրաքվեի արդյունքները Սահմանադրական դատարանում վիճարկելու նպատակով:

Ստորագրություններով նախաձեռնությանն է միացել 15 պատգամավոր. ՀԱԿ պատգամավորներ՝ Լևոն Զուրաբյանը, Արամ Մանուկյանը, Գագիկ Ջհանգիրյանը, Ստեփան Դեմիրճյանը, Նիկոլ Փաշինյանը, ՕԵԿ խմբակցության բոլոր պատգամավորները՝ Հեղինե Բիշարյանը, Լևոն Դոխոլյանը, Մհեր Շահգելդյան, Իշխան Խաչատրյան, Հովհաննես Մարգարյան, ԲՀԿ-ական պատգամավոր Տիգրան Ուրիխանյանը, «Ժառանգություն կուսակցություն»-ից ՝ Զարուհի Փոստանջյանն ու Թևան Պողոսյանը, անկախ պատգամավորներ Խաչատուր Քոքոբելյանը և Էդմոն Մարուքյանը: