Ռազմագերիների դատավարությունը Բաքվում աբսուրդ է. գերիների հարազատների նստացույցը հնարավոր է վերածվի հացադուլի (տեսանյութ)

Երեկ գիշերվանից ռազմագերիների հարազատները նստացույց են իրականացնում Կառավարության դիմաց:

Նրանք մինչ այս դիմել են տարբեր կառույցների, սակայն տեսնելով, որ հարցը լուծում չի ստանում՝ որոշել են դիմել ակցիաներ կազմակերպելու տարբերակին:

Ռազմագերիների հարազատներից Տիգրան Ամբարդարյանը լրագրողների հետ զրույցում նկատեց, որ  այս նստացույցը վերաբերվում է ինչպես ՀՀ իշխանությանը, այդպես էլ միջազգային կառույցներին, որոնք պատասխանատու են այս ամենի համար: 

«Բաքվում իրականացվում են ձևական դատավարություններն են, որոնք աբսուրդ են: Մեր տղաներն այնտեղ մենակ են՝ առանց օգնության: Միջազգային կառույցներին հորդորում ենք, որպեսզի միջնորդներ ուղարկեն և միջանկյալ միջոցներ կիրառեն, որպեսզի գերիների իրավունքներն այնտեղ պաշտպանվեն: Իսկ ՀՀ իշխանություններին հորդորում ենք, որպեսզի իրավական գործընթաց սկսեն՝ ընդդեմ Ադրբեջանի, որպեսզի սաստեն նրան»,-ասաց Տիգրանը:

Նա նաև նշեց, որ նստացույցն անժամկետ է ու եթե այն արդյունք չտա՝ կվերածվի հացադուլի:

Մանրամասները՝ տեսանյութում