Եկեղեցու կառուցում, գազամատակարարման ապահովում, դպրոցի վերանորոգում․ Արա Աբրահամյանի բարեգործությունները՝ հայրական Մալիշկա գյուղում (ֆոտո)

Քո փոքր հայրենիքը սիրելու տարբեր ձևեր կան: Լինելով ծնունդով Հայաստանի խոշորագույն գյուղերից մեկի՝ Մալիշկայից, նրա հանդեպ իր սերը ՌՀՄ նախագահ Արա Աբրահամյանն ապացուցեց մեծ նվիրվածությամբ:

Նրա միջոցներով 2000-2001 թվականներին Մալիշկայում կառուցվել է հոգևոր, մշակութային և կրթական ամբողջական համալիր՝ Սուրբ Աննա եկեղեցին, Հայ և ռուս ժողովուրդների բարեկամության թանգարանը, 700 աշակերտական տեղով դպրոց՝ հագեցած համակարգչային և կազմտեխնիկայի վերջին մոդելներով:

Կիրակի օրրերին եկեղեցում անցկացվում է պատարագ: Սուրբ Աննայի օրը այստեղ այցելում են հավատացյալներ նաև այլ գյուղերից. ով մոմ վառելու, ով աղոթելու, իսկ ոմանք քահանայից խորհուրդ խնդրելու։

Հայ և ռուս ժողովուրդների բարեկամության թանգարանը դարձել է գյուղի մշակութային տեսարժան վայրը, ուր այցելում են զբոսաշրջիկները: Թանգարանում ներկայացված են տարբեր նյութեր երկու ժողովուրդների պատմության և բարեկամության, հայտնի մարդկանց մասին, հայկական մանրանկարներ, այլ ցուցանմուշներ: Տարբեր ժամանակներում թանգարան են այցելել Մոսկվայի և Համայն Ռուսիո պատրիարք Ալեքսի Երկրորդը, Ամենայն Հայոց Կաթողիկոս Գարեգին Բ-ը, Նիկոլայ Ռիժկովը, օտարերկրյա պետությունների դեսպաններ և շատ ուրիշներ:

«Արշավիր և Պայծառ Աբրահամյաններ» բարեգործական հիմնադրամն իրականացնում է մշակութային համալիրի մշտական խնամքը: Ներկայումս վերանորոգվում է եկեղեցու շենքը։

Մալիշկայի կրթամշակութային համալիրը դարձավ դրան հաջորդած մի քանի տասնյակ կրթամշակութային ծրագրերի առաջնեկը, այդ թվում՝ Հայաստանում և Արցախում հայ և ռուս հայտնի արտիստների մասնակցությամբ համերգների, մրցույթների, գրականության և պոեզիայի երեկոների կազմակերպումը: