Նույն անուն-ազգանունով և հայրանունով, ծննդյան թվերով 38 ընտրող երկու տարբեր ցուցակներում են գրանցված. Ռուբեն Մելիքյան

Նա հայտնեց, որ շարունակելու են այդ անունները վեր հանել և ընտրություններից հետո երկու տեղում էլ քվեարկած լինելու և ստարգրությունների առկայության դեպքում կդիմեն ոստիկանությանը և նման քաղաքացիներին հորդորեց չքվեարկել երկու տեղում:

Ոստիկանության անձնագրային վարչություններում քաղաքացիները հարյուրներով սպասում են իրենց հերթին, որպեսզի գրանցվեն քվեարկելու համար և որպես օրինակ բերեց Նոր Նորքի ստորաբաժանման վիճակը, երբ 12 պատուհանից 4-ն է աշխատել և դանդաղ է սպասարկումն տեղի ունենեցել:

Այս մասին ասուլիսի ժամանակ ասաց «Ընտրությունների վերահսկման կոմիտե»-ի անդամ, «Իրավական ուղի» ՀԿ համահիմնադիր Ռուբեն Մելիքյանը։

Նա նկատեց, որ իրենց հետ համագործակցող քաղաքացիների օգնությամբ հայտնաբերել են, որ այս պահի դրությամբ նույն անուն- ազգանունով և հայրանունով, նույն ծննդյան թվերով 38 անձ երկու տարբեր տեղեր է գրանցված։

«Տեսականորեն հնարավոր է, որ դրանք տարբեր մարդիկ լինեն, բայց գործնականում այն շատ փոքր է»,-ասաց Ռուբեն Մելիքյանը:

Նա ոստիկանությանը կոչ արեց այդ խնդրին ուշադրություն դարձնել, հակառակ դեպքում քաղաքացիներին կզրկեն ընտրության իրավունքից, որը լրջագույն խախտում է:

Ռուբեն Մելիքյանը նաև տեղեկացրեց, որ բոլոր նրանք, ում օկուպացված տարածքներում գրանցված լինելու հիմքով կմերժեն գրանցել քվեարկողների ցուցակում՝ կարող են դիմել «Իրավական ուղի» ՀԿ-ին և իրենք կօժանդակեն վարչական դատարան դիմելու հարցում:

Անդրադառնալով անուղղակի ընտրակաշառքի երևույթին՝ բանախոսը տեղեկացրեց, որ տարվա կեսին անհասկանալիորեն 300-ից ավել մարդու աշխատավարձեր են բարձրացվել և այն կապվել է ՔՊ-ի թեկնածուի հետ: