Այդ մարդուն չսիրահարվել ուղղակի հնարավոր չէ. Իգոր Բարինովը՝ Արա Աբրահամյանի մասին (տեսանյութ)

Իգոր Բարինովը Արա Աբրահամյանի մասին. «Ռուսական իսթեբլիշմենթում Արա Արշավիրովիչը վայելում է մեծ վստահություն, նրա համար բաց են բոլոր աշխատասենյակների դռները, նույնիսկ ամենաբարձրերը, և դա մեծամասամբ նրա և գործարար, և մարդկային հատկանիշների շնորհիվ է: Այս մասին ասել է Ազգությունների հարցերով դաշնային գործակալության (ԱՀԴԳ) ղեկավար Իգոր Բարինովը:

«Արա Աբրահամյանի հետ շփումը ոչ միայն գործնական բնույթ է կրում, այլև ոչ ֆորմալ, մարդկային, որովհետև այդ մարդուն չսիրահարվել ուղղակի հնարավոր չէ. նա բաց է, արձագանքում է ցանկացած խնդրանքի, և նրա էներգիան ուղղակի անսպառ է:

Ներկա դրությամբ Ռուսաստանի Դաշնությունում գոյություն ունի 21 դաշնային ազգային-մշակութային ինքնավարություն, բայց, ցավոք, դրանք գործում են տարբեր ձևերով, քանի որ շատ բան կախված է անձնական գործոնից: Եվ անկեղծորեն կարող եմ ասել, որ Ռուսաստանի հայերի միությունն այսօր ամենաաշխատող, ակտիվ կազմակերպություններից մեկն է, որի վրա մենք մշտապես հենվում ենք մեր աշխատանքում։

Բոլորովին վերջերս, Լեռնային Ղարաբաղի պատերազմի ժամանակ, երբ փորձեր էին արվում այս հակամարտությունը տեղափոխել Ռուսաստանի Դաշնության տարածք, շատ բան կախված էր նրանից, թե ինչպես կվարվեին ազգային համայնքները մեր երկրի տարածքում: Պետք է ասեմ, որ եղել են եզակի միջադեպեր, բայց, Ռուսաստանի հայերի միության և անձամբ Արա Արշավիրովիչի ակտիվ աշխատանքի շնորհիվ հնարավոր է եղել խուսափել Ռուսաստանի Դաշնության տարածքում լուրջ խնդիրներից:

Ես ականատես էի, որ Արա Արշավիրովիչը Լեռնային Ղարաբաղում տեղի ունեցող բոլոր իրադարձությունները սրտին շատ մոտ էր ընդունում։ Նրա համար դա անձնական ողբերգություն էր։ Չնայած նրան, որ նա երկար ժամանակ ապրել է Ռուսաստանում, Հայաստանը նրա համար մնում է Հայրենիք, այն վայրը, որի մասին նա խոսում է մեծ ջերմությամբ և շատ է մտահոգվում այն ամենի համար, ինչ կատարվում է Հայաստանում։
Դժվար է գտնել մի մարդու, ով ավելի ակտիվ և եռանդով կնպաստեր Հայաստանի և Ռուսաստանի միջև ջերմ, բարեկամական շփումներին՝ և սոցիալական, և տնտեսական, և մշակութային ոլորտներում։ Սա Ռուսաստանի հայերի միության և անձամբ Արա Աբրահամյանի մեծ վաստակն է։ Ռուսական իսթեբլիշմենթում Արա Արշավիրովիչը վայելում է մեծ վստահություն, նրա համար բաց են բոլոր աշխատասենյակների դռները, նույնիսկ ամենաբարձրերը, և դա մեծամասամբ նրա և գործարար, և մարդկային հատկանիշների շնորհիվ է»: