Ադրբեջանում պարզաբանել են, թե ինչու Նոբել Առուստամյանին չեն տվել «Եվրո-2020»-ի հավատարմագրում

Ադրբեջանի ֆուտբոլի ֆեդերացիան բացատրել է, թե ինչու ռուս սպորտային լրագրող Նոբել Առուստամյանին հավատարմագրում չի տրվել «Եվրո-2020»-ի համար: Հունիսի 11-ից հուլիսի 11-ը տարբեր երկրների 11 քաղաքներում կայանալիք մրցաշարի հավատարմագրում լրագրողը պետք է ստանա Եվրոպայի առաջնության հյուրընկալող երկրների բոլոր կազմկոմիտեների հավանությունը:

Բաքվում, որը կանցկացնի խմբային փուլի երեք հանդիպում և մեկ քառորդ եզրափակչի հանդիպում, Առուստամյանին մերժեցին: Ադրբեջանի ֆուտբոլի ֆեդերացիան փոխնախագահ Էլխան Մամեդովը մասնավորապես նշել է․ «Եթե ԶԼՄ-ի նշված ներկայացուցիչը խնդիրներ ունի, մենք խորհուրդ ենք տալիս այդ մասին անմիջապես կապվել ՈւԵՖԱ-ի հետ: Նա խախտել է մեր երկրի օրենքները՝ անհարգալից վերաբերմունք ցուցաբերելով Ադրբեջանի տարածքային ամբողջականության նկատմամբ»։

Ընդգծենք, որ Նոբել Առուստամյանը այցելել էր Արցախ։ Ադրբեջանում դա չընդունվեց, քանի որ ըստ իրենց նա Արցախ պետք է այցելեր Ադրբեջանին տեղյակ պահելուց հետո։ Հունիսի 8-ին մեկնաբան Վասիլի Ուտկինն ասել էր, որ Բաքվում Եվրո-2020-ի կազմկոմիտեն արգելափակել է ռուս լրագրողին հավատարմագրում տալու հարցում:

Ավելի ուշ «Match» հեռուստաալիքի ղեկավար Թինա Կանդելակին, որտեղ աշխատում է Առուստամյանը, ասաց, որ հեռուստաալիքն ամեն ինչ անում է այս իրավիճակը կարգավորելու համար: