Յուրօրինակ «կաշառք». ընտրություններին ընդառաջ Վանաձորի բ/կ-ի ՔՊ-ական տնօրենը բարձրացրել է 370 աշխատակցի աշխատավարձը (ֆոտո)
NEWSPRESS.am-ն արդեն անդրադարձել է իշխանությունների կողմից տրվող ընտրակաշառքներին, որոնք օրինակացվում ու բաժանվում են «արտապլանային պարգևավճարների» տեսքով:
Հետ չմնալով ընդհանուր պարգևավճարային ու աշխատավարձերի բարձրացման տեսքով «կաշառքների բաժանման» հիթ շքերթից, որը իշխանության մենաշնորհն է դարձել, «Վանաձորի բժշկական կենտրոն» ՓԲԸ տնօրեն Վահագն Մկրտչյանը ևս խառնվել է ընդհանուր աժիոտաժին:
Նա ընդգրկված է «Քաղաքացիական պայմանագիր» կուսակցության ցուցակում և որպեսզի կարողանա սիրաշահել իր վերադասին ու գոնե մնալ իր տեղում, 10-20 %-ով բարձրացրել է բուժհիմնարկի 370 աշխատակցի աշխատավարձ՝ հեռահար ակնկալիքներով...
Վահագն Մկրտչյանն այս պաշտոնում նշանակվել է 2019 թ-ի մայիսին: Մարզպետարանի՝ 7 հոգուց բաղկացած հանձնաժողովը 3 թեկնածուից նախընտրությունը տվել է նրան:
Բուժկենտրոնի տնօրենը շատ «պատահական զուգադիպությամբ» աշխատողների աշխատավարձերը բարձրացրեց հենց այն պահին, երբ պետք է նախապատրաստվեին քարոզարշավին, ու բուժաշխատողների շրջանում որոշ դժգոհություններ հասել էին նրա ականջին...
Ու թեև բուժհիմնարկն ուներ առաջնային լուծում պահանջող այլ խնդիրներ (օրինակ՝ դռների նորացում, այլ անսարքություններ...), սակայն տնօրեն Մկրտչյանը՝ Լոռու մարզպետ Արամ Խաչատրյանի ու ՀՀ Առողջապահության նախարար Անահիտ Ավանեսյանի թողտվությամբ, անհատներին է օժանդակել:
Ու քանի որ ասում են, թե արջն ահից է գոռում, ուստի նա շտապել է ֆեյսբուքյան իր էջում հայտնել լուրը:
Սակայն նրա ավանտյուրան անմիջապես ֆիքսել է Ընտրությունների վերահսկման կոմիտեն, որն ֆեյսբուքյան իր էջում տվել է իր գնահատականն ու հարցադրումներ ուղղել Վահագն Մկրտչյանին:
NEWSPRESS.am-ի տեղեկություններով՝ «օրինապաշտ» տնօրենն իր «արդար քրտինքով» կառուցած տան համար որպես պարիսպ օգտագործում է իր ղեկավարած հիմնարկի պարիսպը։ Ավելին՝ նա շարունակում է այդ անօրինական կառուցվող պարիսպի շինարարությունը՝ բարձրացնելով այն:
Նկարում՝ տունը շրջանակի մեջ
Բուժհիմնարկի պարիսպների հետ կապված՝ վանաձորցիները կատակում են, թե Վահագն Մկրտչյանը երևի հիվանդանոցն էլ է ուզում մասնավոր սարքել ու յուրացնել դրա համար էլ ընդհանուր պարիսպ է սարքում...
Կիրականանան վանաձորցիների կանխատեսումները, թե ոչ՝ ժամանակը ցույց կտա, փաստն այն է, որ այս ամենաթողությունից ու ապօրինի գործունեությունից հետո, մտածել, թե աշխատավարձերի բարձրացումը զուտ սովորական զուգադիպություն է՝ պարզապես միամտություն է...
Քոչարյանի մամուլը քրեական գործ է կարում Նարեկ Կարապետյանի վրա
Աննա Գրիգորյանը խոստովանեց, որ Նիկոլ Փաշինյանի զիջումների տակ Ռոբերտ Քոչարյանի հանցավոր ստորագրությո...
Ոստիկանները փորձում են իր բնակարանից վտարել Մգեր Արմենիային
Հայաստանի ամենաթանկ ընտանիքը եւ իր էլիտար հաճույքները. «Հրապարակ»
ԱԺ ծեծ ու ջարդից հետո ջարդված ոսկորները վերականգնեք, ծեծուջարդի երկրորդ ռաունդն է, միջանցքը ծախել ե...
Նոր անձնագիր՝ նոր գլխացավանք՝ վճարե՞լ, թե՞ հրաժարվել ազատ տեղաշարժից. Փաշինյանի թանկարժեք «արդիականա...
Նիկոլ Փաշինյանի ընտանիքի շրջապատի աշխատավարձերը․ պետական բյուջե՞, թե՞ «Իմ քայլը» հիմնադրամ
Երևանում 5-ամյա տղան 3-րդ հարկից վայր է ընկել ու մահացել. նա հայր ու մայր չուներ
Բանջար հավաքելիս 6-ամյա թոռնիկն ու տատիկը հոսանքահարվել են
Ծառուկյանի բիզնեսները՝ պետությանը․ Հայաստանում խոշոր կապիտալն այլևս պաշտպանված չէ
