«Արտապլանային» պարգևավճարներ պետական աշխատողներին՝ ՔՊ-ի քարոզարշավի համար «փող մուծվելու» պայմանով

Թեև շատերն այս օրերին էլ դեռ առճակատվում են կոռուպցիոն երևույթների հետ, սակայն Կառավարությունում համատարած պնդում են, թե իբր իրենց՝ Նիկոլ Փաշինյանի, իշխանության գլխավոր ձեռքբերումը կոռուպցիայի դեմ պայքարն է։

Այս մասին Փաշինյանը հայտարարում է պատեհ ու անպատեհ առիթներով ու այդ մասին նրա աջակիցները, դասը սերտած աշակերտի նման, մեխանիկորեն կրկնում են․․․

Ինչևէ, փաստը մնում է այն, որ կոռուպցիոն երևույթները՝ դիրքի չարաշահում, գումարի դիմաց որոշակի ծառայությունների մատուցում ու էլի այս շարքից որոշ արատավոր երույթներ շարունակում են մեր կյանքի մաս կազմել։

Բայց զավեշտն այն է, որ իշխանությունները պետական մակարդակով տեղի ունեցող երևույթներն օրինականացնում ու դրա անունը դնում են «պարգևատրումներ»․․․

Իհարկե ոչ ոք չի ժխտում, որ նախկինում ևս եղել են պարգևատրումներ, սակայն այսօր դրանք բավականին զգալի չափերի են հասել․ իշխանությունները իրենց աշխատավարձերին զուգահեռ բարձրացնում են նաև պարգևավճարները։ 

Այս թեման ծեծված է, ու դրան հազիվ թե կրկին անդրադառնայինք, եթե NEWSPRESS.am-ին հայտնի չդառնար որոշ «արտապլանային» պարգևավճարների մասին, որոնք բացահայտ կոռուպցիոն երևույթ են։

Եվ այսպես, կառավարությանը մոտ գտնվող մեր աղբյուրները հայտնում են, որ որոշ գերատեսչություններում, պետական աշխատողներին, չնախատեսված պարգևավճարներ են տվել։ Սրանք, հավանաբար միամտաբար, ծանոթ-մտերիմներին հայտնել են լուրը, ինչն էլ տեղեկատվության արտահոսքի առիթ է դարձել

Սակայն այստեղ խնդիրը զուտ պարգևավճարը չէ։

Ինչպես փոխանցում են մեզ մեր աղբյուրները, այս պարգևավճարները տվել են պայմանով, որ գերատեսչությունների աշխատակիցները դրա 50 %-ը կանխիկացնեն և փոխանցեն «Քաղաքացիական պայմանագիր» կուսակցության նախընտրական ընտրարշավի համար նախատեսված ծախսերին։ Իսկ քանի որ, ինչպես վերը նշեցիքն, պարգևավճարները «արտապլանային» են, ուստի պետական աշխատողները սիրով համաձայնելվել են գրպանել շարքային քաղաքացիների՝ հարկատուների գրպաններից վճարվող գումարները, դառնալ դրանց տերն ու ՔՊ-ականների հետ «ախպերափայ անել»։

Իհարկե երևույթը կարելի է անվանել գումարի շորթում, լվացում ու նաև ընտրակաշառք։ Օրինակ գործող իշխանությունը նախկինում հենց այդպես կաներ ու իշխանությանը կանվաներ՝ թալանչիներ, ընտրակեղծարարներ ու մի ծոսքով՝ է՛լ գող փիսո, է՛լ քաչալ շուն․․․, բայց քանի որ այս անգամ նման գնահատականներ հնչեցնելու սիրահարները հենց իրենք են՝ իշխանությունները, ուստի երևույթը ծածկադմփոց կարվի ու կջրվի-կգնա․․․

Կմնա միայն որպես ընտրազանգված դիտվող խաբված շարքային քաղաքացին՝ իր չլուծված խնդիրների կույտով ու դատարկ գրպանով․․․ կամ, Փաշինյանի ասած, «աղքատ ուղեղով»․․․

Արմինե Մկրտումյան