Մենք իրավունք չունենք այս կառավարության ղեկավարի կուսակցությանը մեկ ձայն տալ․ Արա Աբրահամյան (տեսանյութ)

Իրոք, իրավիճակը շատ վատ է՝ և՛ տնտեսական ճգնաժամը, և՛ բարոյական նորմերը, և՛ վստահությունը, և՛ մարդկանց վերաբերմունքը, և՛ մարդկանց վիճակը. ամեն ինչ իրար է խառնվել: Այդ մասին ԲԱՑ TV-ի եթերում ասել է Ռուսաստանի հայերի միության նախագահ Արա Աբրահամյանը: 

«Ցավալի է, որ այս պայմաններում անցկացնում են ընտրություններ: Վարչապետը խոսք էր տվել 6 ամսվա ծրագիր իրականացնել, բա ո՞ւր է այդ ծրագիրը, ինչո՞ւ չեք իրականացնում: Մինչև հիմա չեն կարողացել մեր հերոս զինվորների ԴՆԹ-ներն անցկացնել, մարմինները տալ ծնողներին: Միայն այդ ծնողների վիճակը չէ, խելագար վիճակ է: Բացի դրանից մենք դաստիարակում ենք նոր սերունդ, թե ինչպես կարող ենք վարվել հերոս զինվորների հետ, որոնք իրենց կյանքը տվել են: Ովքե՞ր են մեր օրինակները: Հայրենիքը կորցրել ենք, հայրենիքից ոչինչ չի մնացել»,- ասել է Աբրահամյանը: 

Նրա խոսքով՝ ոչ միայն ԱԳ նախարարը կամ նրա տեղակալները պետք է հրաժարական տային, այլ նաև ամբողջ կառավարությունը: 

«Ես չգիտեմ՝ էլ ինչ պետք է լինի, որ այդ կառավարությունը թողնի, հրաժարական տա, գնա: Ամենակարևորը՝ այդ կառավարությունն ի վիճակի չէ ոչինչ անելու: Այս կառավարությունը լավ խաբելու, սուտ ասելու, պատճառաբանություն բռնելու կառավարություն է: Մենք իրավունք չունենք այս կառավարության ղեկավարի կուսակցությանը՝ մեկ ձայն տալ: Եթե մենք մի քիչ սիրենք մեր հայրենիքը, մենք պիտի ցույց տանք, որ մենք հայրենասեր ենք: Մենք խոսում ենք զինվորների, նրանց մայրերի մասին, տեսնում ենք իրենց վիճակը, թե ինչ վիճակում են նրանք, տեսնում ենք քաղաքական, տնտեսական վիճակը: Ոչ միայն պարտվել ենք, այլև արժեքազրկվում ենք: Երկիրը 30 տարում, ցավոք սրտի, չկարողացավ ճիշտ ճանապարհով գնալ, կառուցողական ոչինչ չունեցանք, վերջին ղեկավարն էլ մեր երկիրը վերջնականապես կործանեց 3 տարվա մեջ՝ հավատքը, կրթությունը, բարոյական նորմերը, ի վերջո վարչապետի գրած գրքերը կարդացեք: Պետությունը խաղալիք չի, մենք բոլորս մեղավոր ենք, երբ որ մեր ձայնը ինչ-որ մեկի ասելով մենք գնում տալիս ենք մի մարդու, որը մեզ կործանում է, էլ ումի՞ց ենք նեղանում»,- հարցրեց նա: 

Մանրամասներն ու շարունակությունը՝ տեսանյութում