Մեկ-մեկ մտածում եմ՝ հեռախոսը վերցնեմ, ես զանգեմ էս նախարարին, հանձնարարեմ, վազելով կլուծի. Ռոբերտ Քոչարյան

Իջևանը հատուկ թիրախ է մեզ համար, հասկանալի պատճառներով Տավուշի մարզում և հատկապես՝ Իջևանում, մենք պետք է շեշտակի հաղթանակ կրենք: Այս մասին  տավուշցիների հետ հանդիպմանն ասել է ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը։ 

«Շատ վատ վիճակում է երկիրը: Շատ վատ վիճակի մասին շատ չեմ խոսում՝ ավելի շատ չհուսահատեցնելու համար, բայց մի դրվագ պատմեմ. «Երբ էլեկտրոնային տարբերակով ինձ ուղարկեցին դաշինքի ծրագիրը, նայեցի, ասացի՝ էս ի՞նչ եք արել, պետք է մոմ վառեմ, որ մենք չընտրվենք, սրա տակից ոնց ենք դուրս գալու»: Բայց մյուս կողմից պիտի տակից դուրս գանք, կամ չպետք է մտնենք այս պայքարի մեջ: Պետական կառավարումը չափազանց մեծ պատասխանատվություն է, եթե դու պատասխանատու մարդ ես, այդ բեռը վերցրել ես, պիտի տանես: Եթե մարդ ինքն իրեն չի կարողանում կառավարել, ինչպե՞ս կարող է երկիր կառավարել: Հիմա մենք այդ վիճակն ունենք: Մենք հիմա ունենք մի կառավարություն, որ իր օրվա հարցերը չի կարողանում կազմակերպել, ունենք մարդիկ, որոնք իրենք իրենց չեն կարողանում կառավարել, մմնք իրենցից սպասում ենք, որ իրենք երկիր պիտի կառավարե՞ն, ձեր հոգսերը պիտի լուծե՞ ն: Մեկ-մեկ նայում ես, ասում ես՝ էս պարզ հարցն ինչո՞ւ չեք լուծում: Մեկ-մեկ մտածում եմ՝ հեռախոսը վերցնեմ, ես զանգեմ էս նախարարին, հանձնարարեմ, վազելով կլուծի: Երկրի այսօրվա խնդիրների 99 տոկոսի պատճառը սա է. մարդիկ չգիտեն՝ ինչ անեն. երկիրը тренажер են սարքել՝ սովորում են երկրի վրա: Հենց մեկն էլ սովորում է մի քիչ, մի ղալաթ է անում, գործից հանում են, հետո էլ մեկ ուրիշին են բերում: Հիմա էլ тренажер-ը չի աշխատում: Այս իշխանությունը քշելու ժամանակ է, բայց չեմ ուզում այդ լեքսիկոնին անցնել: Մի իշխանություն, որ 3 տարում ոչ մի խոստում չի կատարել, նույնիսկ խոստացել էր, որ ինձ պետք է դատեն, էդ էլ չեն արել»,- ասաց Քոչարյանը: