«Նորմալ կհամարե՞ք, եթե Ձեզ անվանեն «իդիոտկա»». Լենա Նազարյանը փախչեց լրագրողների հարցերից (տեսանյութ)

Ես ներողություն խնդրել չեմ պատրաստվում: Այս մասին այսօր Ազզային ժողովում լրագրողների հետ ճեպազրույցում ասաց ԱԺ փոխխոսնակ Լենա Նազարյանը: 

«Տիկին Թովմասյանն ինքը պետք է ներողություն խնդրի, որ լինելով «Իմ քայլը» խմբակցության անդամ, եղել է ոչ թե թիմի անդամ և «Իմ քայլը» խմբակցության անդամ, այլ իր թերթի թղթակից: Խմբակցության նիստերին մասնակցել է բացառապես այդ նպատակներով: Թող Թագուհի Թովմասյանը ներողություն խնդրի, որ եկել է մեր ցուցակ, առաջին իսկ հարմար պահին դուռը շրխկացրել և նորողություն խնդրի՝ հաջորդ ցուցակ գնալու, այնտեղից օգուտ ստանալու համար: Եվ թող ինքը ներողություն խնդրի նրա համար, որ ամբողջ պատերազմի ընթացքում, լինելով խմբակցության անդամ, պարտությունից հետո դուրս է եկել խմբակցությունից և հայտարարել, որ պատասխանատվությունը մերն է, այն դեպքում, երբ ամբողջ պատերազմի ընթացքում ինքը նույնպես եղել է խմբակցության անդամ և դուրս եկել»,- ասաց Նազարյանն ու բառի ուղիղ իմաստով փախչեց լրագրողներից:

Նա չպատասխանեց հարցերին, թե նորմա՞լ է, երբ ինքը մեկ այլ պատգամավորի անվանում է «իդիոտկա» կամ ինչպե՞ս ինքը կարձագանքեր, եթե հենց իրեն անվանեին «իդիոտկա»՝ նորմալ կհամարե՞ր: