«Միլան»-ը գլխավորելը իմ նպատակներից մեկն է․ Անդրեյ Շևչենկո

Ուկրաինայի ազգային հավաքականի գլխավոր մարզիչ Անդրեյ Շևչենկոն հերթական անգամ հայտարարել է, որ ցանկանում է ապագայում մարզչական կարիերա սկսել ինչ-որ ակումբում։

Նա մասնավորապես նշել է․ «Միլանի արդյունքների մասին խոսելով կարծում եմ, որ թիմը հիանալի մրցաշրջան անցկացրեց Իտալիայի առաջնությունում, իսկ Պիոլին հիանալի աշխատանք կատարեց: «Յուվենտուս»-ի, «Տորինո»-ի ու «Ատալանտա»-ի նկատմամբ տարած հաղթանակները շատ կարևոր էին: «Ռոսոներիները» հասել են իրենց նպատակին և այժմ հնարավորություն ունեն որակյալ պայմանագրեր ստորագրել հաջորդ մրցաշրջանին պատրաստվելու համար»: Կցանկանայի՞ գլխավորել «Միլան»-ը...սա իմ նպատակներից մեկն է, բայց հիմա ես կենտրոնացած եմ Ուկրաինայի հավաքականում աշխատելու վրա: Մենք այնտեղ հիանալի նախագիծ ենք կառուցել և ցանկանում ենք հասնել համապատասխան արդյունքների:

Ազգային հավաքականից հետո կցանկանայի աշխատել ակումբի հետ: Սա կլինի եւս մեկ քայլ իմ մարզչական կարիերայում: Միլանն ընդմիշտ իմ սրտում է, իսկ Իտալիան ՝ իմ երկրորդ հայրենիքը: Այո, ես կցանկանայի վերադառնալ այնտեղ որպես գլխավոր մարզիչ», - մեջբերում է «TMW»-ն՝ հղում անելով «Radio Rai»-ին: