«Ես եմ՝ այստեղ եմ․․․»․ Դավթաշենում Փաշինյանի հետ հանդիպման համար թաղապետը օգտագործել էր պետական ռեսուրսը (լուսանկարներ)

Նախընտրական քարոզարշավի շրջանակում Նիկոլ Փաշինյանը հանդիպել է Երևանի մի քանի վարչական շրջանների աջակիցների հետ։

Իսկ ավելի կոնկրետ, համայնքների ղեկավարները հենց թաղապետարաններում Նիկոլի ու «բնակիչների» հանդիպում են կազմակերպում։

Հաշվի առնելով Փաշինյանի «պլինտուզից» ավելի ցած իջած վարկանիշը, թերևս կարելի էր ենթադրել, որ այդ հանդիպումները սակավամարդ կլինեն։

Մասնավորապես Դավթաշենում Փաշինյանի և նրա «համակիրների» հանդիպումը կազմակերպելու համար, NEWSPRESS.am-ի տեղեկություններով, վարչական շրջանի ղեկավար Միքայել Թումասյանն օգտագործել է ողջ պետական ռեսուրսը։

Գլխաքանակ ապահովելու համար, հանդիպմանը մասնակցել են նախարարության, թաղապետարանի և կրթական օջախների աշխատակիցներ։ Այդուհանդերձ, հավաքվածների քանակը չի գերազանցել 3 տասնյակը։

Ներկաներից մի կին, ով փորձում էր համոզել Փաշինյանին, որ բոլորն այստեղ ինքնակամ են հավաքվել և ոչ ոք իրենց զոռով չի բերել, շատ պատահականորեն լեզվից թռցրեց, որ աղջիկը Սուրեն Պապիկյանի նախարարությունում է աշխատում։ 

Նա երևի չասեմ, որ իր աղջիկն էլ է հիմա այդտեղ մասնակցում հանդիպմանը, եթե այդ պահին նա ինքը չցանկանար աչքի ընկնել և աշակերտի նման ձեռք բարձրացնելով ասեր՝ «Ես եմ՝ այստեղ եմ»․․․

Հանդիպման ընթացքից մեզ հաջողվել է ֆիքսել նաև մի քանի այլ դեմքեր.

օրինակ՝ 

Եկամուտների հաշվառման և հավաքագրման բաժնի պետ Էմիլ Երեմյանը․․․․ 

Թաղապետարանի մեկ այլ աշխատակից՝ Սերոբը ․․․

Մանկապարտեզների աշխատակիցներից «Երևանի հ. 61 մանկապարտեզ» ՀՈԱԿ-ի տնօրեն Աննա Մարգարյանը․․․

Այս պատկերը նույնն է եղել նաև այլ վարչական շրջանների թաղապետարններում։

Չի քննարկվում այն, որ վարչական աշխատողները կապիտուլյանտ դավաճանի հետ հանդիպել են աշխատանքը չկորցնելու համար։ Ու վիճելի հարց է՝ նրանք կգայի՞ն հանդիպման, եթե այլընտրանք ունենային։

Ինչպես նաև հարց է առաջանում, թե մարդը, ով սեփական երկրում ազատ շրջել ու սեփական երկրի քաղաքցիների հետ ազատ հանդիպումներ ունենալու համարձակություն չունի՝ ինչպե՞ս կարող է մտածել վերընտրվելու մասին․․․

Ու պարզ է արդեն, որ իշխանությունն այս պարագայում կարող է վերարտադրվել միայն ընտրակեղծիքի միջոցով։

NEWSPRESS.am