Ես փաստեր չեմ տեսել, ասելով հո՞ չի. Է. Շարմազանով` ընտրակեղծիքների մասին (տեսանյութ)

Ես այն կարծիքին չեմ, որ իշխանությանը չհաջողվեց կազմակերպել լեգալ, լեգիտիմ հանրաքվե: Միաժամանակ, չեմ կարծում, որ դեկտեմբերի 6-ի սահմանադրության հանրաքվեն անցել է առանց խախտումների:

Այդ մասին լրագրողների հետ զրույցում ասաց ԱԺ փոխնախագահ Էդուարդ Շարմազանովը:

Նա ևս մեկ անգամ նշեց, որ որ չի կարելի անլրջացնել ամեն ինչ:

«ՀՀ-ում նույնիսկ Լևոն Տեր-Պետրոսյանի կառավարման տարիներին, երբ ասում էին պոլի փայտ լինի, բայց ՀՀՇ-ից լինի, երբ կարևորն այն էր՝ ոչ թե ով է ընտրում, այլ՝ ինչպես կհաշվեն. չեմ կարծում, որ 500 հազար ձայն էր կեղծվել: Ես փաստեր չեմ տեսել, ասելով հո՞ չի: Իհարկե, խախտումներ եղել են, և որտեղ կան խախտումներ, Ոստիկանությունը, Գլխավոր դատախազությունը դրանց ընթացք տվել են»,- շեշտեց Էդուարդ Շարմազանովը:

Համեմատելով նախորդ հանրաքվեների հետ, Շարմազանովն այս մեկը դրական է համարում:

Մանրամասները՝ տեսանյութում