Վենդետա չի լինելու, բայց չենք ասելու, դե գիտե՞ս ինչ՝ հանցագործություն ա՝ եղել ա, 5000 զոհ ես տվել՝ ջանիդ ղուրբան, գնա... Ռոբերտ Քոչարյան (տեսանյութ)

Վենդետա չի լինի, հանցագործությունների պարտակում՝ նույնպես: Արմավիրում քաղաքացիների հետ հանդիպմանը հայտարարել է ՀՀ երկրորդ նախագահ Ռոբերտ Քոչարյանը՝ արձագանքելով քաղաքացիներից մեկի հարցին։

Նա նկատեց, որ պետք է տարբերել վենդետա բառը արդարադատություն բառից։

«Վենդետան հաշվեհարդար է մարդկանց նկատմամբ, որոնք կոնկրետ քեզ կամ քո թիմին վատություն են արել։ Վենդետան և արդարադատությունը բոլորովին տարբեր բաներ են։ Այո, ես համարում եմ, որ վենդետա չպետք է լինի։ Մենք չպետք է գնանք անցյալ և մնանք այնտեղ, ինչպես այս իշխանությունն արեց»,-ասաց Քոչարյանը;

Նա նկատեց, որ բոլորը պատասխան կտան իրենց կատարած հանցագործության համար: Այն հանցագործության, որը կպել է երկրի շահերին:

«Վենդետա չի լինելու, բայց չենք ասելու, թե գիտես ինչ՝ հանցագործություն ա՝ եղել ա, 5000 զոհ ես տվել՝ ջանիդ ղուրբան, գնա: Իհարկե, դա չպետք է լինի։ Ամեն ինչ պետք է լինի ոչ թե այնպես, ինչպես արվում էր այս երեք տարվա ընթացքում, այլ օրենքի շրջանակներում։ Հենց այս իշխանությունների արածն է վենդետա, որովհետև բոլոր քրեական գործերը, նույնիսկ գյուղապետերի նկատմամբ, ունեն քաղաքական երանգ։ Այդ քրեական գործերն էլ ունեն մեկ նպատակ՝ պահել նրանց իրենց ազդեցության տակ»,-ասաց Ռոբերտ Քոչարյանը։

Նա նկատեց, որ կան բազմաթիվ փաստեր, որոնք հիմա չի հրապարակի, բայց  նաև չի պարտակի հանցագործությունը: