Փոստանջյանին Շուրիկի նման գրկած պետք է հեռացնել ամբիոնից

 «Տիկին Փոստանջյան Ձեր «կապրիզները» Ձեր շրջապատում արեք: Մի ջենտլմեն չկա՞ դուրս հրավիրի պատգամավորին»,- ԱԺ-ում «Ժառանգություն» խմբակցության պատգամավոր Զարուհի Փոստանջյանին նկատողություն արեց ԱԺ փոխնախագահ Էդուրադ Շարմազանվը:

ԱԺ փոխխոսնակին վրդովեցրել էր այն, որ Փոստանջյանը Վիճակագրական ազգային ծառայության 2016-18թթ. տարեկան ծրագրի քննարկման ժամանակ քաղաքացիական անհնազանդության կոչեր արեց: Նիստը վարող ԱԺ փոխխոսնակն անջատեց Փոստանջյանի խոսափողը, սակայն վերջինս շարունակում էր համառորեն մնալ ամբիոնի մոտ: Քիչ անց ԱԺ փոխնախագահը հայտարարեց 30 րոպեանոց ընդմիջում:

«Կա՛մ 30 րոպե ընդմիջում, կա՛մ պետք է կանչվեր անվտանգություն, որը Շուրիկի նման գրկած` պետք է հեռացներ ամբիոնից»,-հայտարարեց Շարմազանովը:

Արդեն միջանցքում, լրագրողների հետ զրույցում`Էդուարդ Շարմազանովը նկատեց, որ ստիպված էր 30 րոպեանոց ընդմիջում վերցնել, քանի որ ԱԺ-ում պետք է ապահովվի բնականոն աշխատանք:

«Իսկ Դուք տեսա՞ք, որ պատգամավորը … չեմ կարող ասել` ի վիճակի չէ … կա՛մ չի ցանկանում, կա՛մ ուզում է խափանել մեր աշխատանքը, ես իրան հիմա հնարավորություն կտամ ուղղվելու»,- ասաց Էդուարդ Շարմազանովը։