Հայ-թուրքական սահմանին նոր ռուսական զորք կտեղակայվի. sondakika.com

Ռուսաստանը 7000 զինվորներով նոր զորամիավորումներ է տեղակայելու հայ-թուրքական սահմանին: Այս մասին տեղեկացնում է թուրքական sondakika.com կայքը` հղում անելով արաբալեզու khabararmani.com կայքին: Տեղեկության համաձայն` Ռուսաստանի նախագահ Վլադիմիր Պուտինը ստորագրել է փաստաթուղթ, ըստ որի Հայաստանում` հայ-թուրքական սահմանին, նոր ռուսական զորամիավորումներ են տեղեկայվելու: Շուտով սկսվելու է զորամիավորումների տեղափոխումը Հայաստան: Նշվում է նաև, որ զորամիավորումների մեջ ներառված են հրթիռային և տանկային ստորաբաժանումներ:

Տարածված տեղեկությունների համաձայն` հայկական կողմը դիմել է դաշնակից Ռուսաստանին` ռուս-թուրքական լարված հարաբերությունների պայմաններում  իր անվտանգությունը թուրքական ուժերի հնարավոր ներխուժումից պաշպանելու համար:

Հայաստանում տեղադրվելիք հրթիռային միջոցներով, Միջերկրական ծովում և Սիրիայում տեղակայված հրթիռային համակարգերի հնարավորություններով Ռուսաստանը հնարավորություն ունի հսկել Թուրքիայի տարածքի 85 տոկոսը: