Նիկոլը ցույց տվեց, թե ինչ է պատրաստվում անել հունիսի 20-ից հետո

Երեկ կարմիրբերետավորների իրականացրած բռնարարքները սովորական, շարքային կամ սովորական դարձած գործողություններ չէին: Այս կերպ նիկոլը՝ պարտության խորհրդանիշը, կապիտուլյանտը, մոլագար մարդասպանը, Շուշին Ադրևբեջանին նվիրողը ցույց տվեց, թե ինչ է պատրաստվում անել հունիսի 20-ի արտահերթ խորհրդարանական ընտրություններից հետո:

Պարտության խորհրդանիշը պատրաստվում է կեղծել ընտրությունների արդյունքները, ընդ որում՝ կեղծել աշխարհում չտեսնված ցինիզմով, որից հետո աթոռը պահպանել նույն կարմիրբերետավորների եւ մեզ արդեն քաջածանոթ դիպուկահարների օգնությամբ: Իսկ իշխանությունը նրան պետք է ոչ միայն դատավարությունից խուսափելու համար, այլ ի շահ Ադրբեջանի դեռ մի շարք գործողություններ իրականացնելու համար, որից հետո այլեւս չենք կարող երբեւէ շտկել մեր մեջքը:

Այն փաստաթուղթը, որը պատրաստվում է ստորագրել պարտության խորհրդանիշը չարիքներից վերջինը չէ:

Կապիտուլյանտը պատրաստվում է.

ա. Հայաստանի սահմաններն այնպես ձեւափոխել, որ ռազմավարական բոլոր ճանապարհներն անցնեն Ադրբեջանի զինված ուժերի վերահսկողության ներքո, որ անգամ Սյունիքի կամ Տավուշի մի բնակավայրից մյուս գնալը վերածվի դժոխքի ճանապարհը:

բ. Հայաստան վերադարձնել ադրբեջանցիների, որոնք կբնակվեն Նոյեմբերյանում, Իջեւանում, Ամասիայում, Վանաձորում, Երեւանում, Մասիսում, Կապանում, Մեղրիում, իսկ նրանց անվտանգությունը կապահովեն թուրք կամ ադրբեջանցի խաղաղապահները:

գ. Հայաստանից դուրս բերել ռուսաստանյան ռազմական հենակայանը:

Իհարկե, այս ամենը պատրաստվում են ներկայացնել այնպես, կարծես սա նվեր է Հայաստանին եւ հայ ժողովրդին, եւ որ սա միակ տարբերակն է խաղաղ ապրելու:

Այսպիսով, ամեն ինչ պետք է արվի մինչեւ արտահերթ, իսկ իրականում արտակարգ խորհրդարանական ընտրություններն ապահովել ժողովրդի հաղթանակը եւ նիկոլի խունտայի պարտությունը, եւ անդադար ճնշում գործադրել ԿԸՀ-ի վրա, պահանջելով պատգամավորի թեկնածու չգրանցել պարտության խորհրդանիշին եւ նրա թիմակիցներին:

Գեղամ Նազարյան

Top-news.am-ը գրում է.