Նայեցին, ասեցին` վտանգավոր է, էս շենքում չապրեք, ու գնացին. գյումրեցիներ (տեսանյութ)

Գյումրիի Գարեգին Նժդեհի փողոցի 7-րդ շենքի երկրորդ հանրակացարանը պարբերաբար փլուզվում է։

Դեռ 1988 թվականի երկրաշարժից հետո Սեյսմիկ պաշտպանության հյուսիսային ծառայության կողմից շենքը որոկվել է չորրորդ կարգի վթարավտանգ կառույց: Ու չնայած, որ ոչ միայն ցնցումների, այլև շինության պատերի քայքայված լինելու պատճառով այստեղ ամեն րոպե առկա է փլուզվելու վտանգը, սակայն շենքը դեռ բնակիչներ ունի, քանի որ վերջիններս բնակության այլընտրանք չունեն:

«Ամռանը էլի փլվեց շենքը։ Եկան, նայեցին, ասեցին` վտանգավոր է, էստեղ ապրելը, էս շենքում չապրեք ու գնացին» ,- newspres.am-ի հետ զրույցում նկատեցին բնակիչները` հավելելով, որ իրենց բնակության համար այլ կացարան չեն առաջարկել:

Հարկ է նկատել, որ Գյումրիում հաշվառված է 88 վթարային շենք, սակայն այս կառուցը ընդգրկված չէ այդ ցուցակում: Ու թեև շրջանառվող տեղեկությունների համաձայն, շինությունը մասնավոր կառույց է հանդիսանում, սակայն այս հացեն չի երևում նաև մասնավոր սեկտորի ցուցակներում:

Շենքի հակասանիտարահիգենիկ վիճակով է պայմանավորված նաև հաճախակի ի հայտ եկող վարակիչ հիվանդությունները:
Հիշեցնենք, որ հենց այստեղ մեկ տարի առաջ բազմազավակ մի ընտանիք, այդ թվում 5 անչափահաս երեխա, վարակվել էին մաշկային հիվանդությամբ։

Մանրամասները՝տեսանյութում