Հարիֆ են գտել ու ոնց ուզում անում են. Ռոբերտ Քոչարյանը՝ Նիկոլ Փաշինյանի մասին

ՀՀ երկրորդ նախագահ Ռոբերտ Քոչարյան առողջապահության ոլորտի մասնագետների հանդիպմանը խոսել է այն մասին, թե ինչ են մեզանից պահանջելու ադրբեջանցիները:

«Առաջինը հաստատ մեզանից պահանջելու են դեմարկացիա՝ արագացված տեմպերով: Նրա համար է պետք դեմարկացիան՝ վերջանականապես հաստատել միջազգայնորեն ճանաչված սահման և սրանով հայտարարել, որ Ղարաբաղի հարցն ընդհանրապես փակված է»,- ասաց Քոչարյանը: 

Ըստ նրա՝ երկրորդը Կարմիր-Շուկա Շուշի ճանապարհն է:

«Ես չգիտեմ՝ հիմա ինչ պայմաններ են առաջ բերելու, բայց ակնհայտ է մեկ բան. կոպիտ ասած՝ հարիֆը գտել են ու ոնց ուզում անում են: Մի քիչ առաջ գան, ասեն՝ էս հարցը պիտի լուծես, հետո էս, էս, էս: Հետո, էդ հարցը լուծի, մեկ ուրիշ հարց են դնելու, այնքան ժամանակ մինչև այս մարդիկ որոշող մարդիկ են, թուղթ ստորագրող մարդիկ են: Հիմա միշտ այդպես է՝ չոքած մարդու վրա քացով տալուց ավելի ազատ են, ավելի համարձակ են և վստահ են, որ որևէ դիմադրություն չի լինելու: Կրկնեմ՝ դու ինչքան հետ գնաս, ինքն այդքան առաջ է գալու, ուրեմն դու պետք է դիրքավորվես քո սահմանի բերանով: Այլ կերպ՝ հողեր պահելու, երկիր պահելու, ուղղակի չկա»: