Փաշօղլու, զակազի հետևը դու ես կանգնած. Մանախը պնդում է, որ իր և իր խմբին «զակազ են տվել», իսկ սփյուռքահայության կռվող տղերքին վերադառնալու կոչ է անում (տեսանյութ)

Արթուր Այվազյանը՝ Մանախը, ֆեյսբուքյան իր էջի ուղիղ եթերում միավորվելու, համախմբվելու կոչով դիմել է սփյուռքահայությանը՝ վերադառնալ հայրենիք:

«Վերադարձեք հայրենիք, կազմավորեք ինքնապաշտպանական խմբեր ու սկսենք հայրենքի պաշպանությունը: Մենք հիմա դա անում ենք, բայց վերադարձեք հայրենիք, կազմավորվենք, սկսենք աշխատել: Մենք պետք է նեցուկ կանգնենք ՀՀ Զինված ուժերին: ԶՈւ ղեկավարությունը ենթարկվում է դավաճան պետականությանը, այն է՝ դավաճան իշխանավորներին: Ես կոչ եմ անում համախմբման, մոբիլիզացիայի: ԶՈւ-ն պետք է տեսնի՝ ինչպես են կամավորականները միանում իրենց ՀՀ պետական սահմանի այն հատվածներում, որտեղ ուղղակիորեն մենք գտնվում ենք անմիջական շփման պայմաններում թշնամու հետ: Այո, Զինված ուժերը պետք է իրենց մենակ չզգան: Իրենք մեր փառքը, պարծանքն ու պատիվն են՝ անկախ այն ղեկավար կազմից, ովքեր դավաճան են, բոլորը պայթելու են»,- ասաց նա:

Ըստ նրա՝ ստեղծված խնդիրը համակարգային է. «Շորտիկի պես Պաշտպանության նախարար է փոխվում, շորտիկի պես ղեկավարություն է փոխվում, բայց չեն հասկանում՝ սա համակարգային խնդիր է: Մենք պետք է կանգնենք մեր Զինված ուժերի կողքին ու պաշտպանենք Հայաստանի Հանրապետությունը: Սահմանն այսօր այսքանն են տվել, այո՛, մենք կպաշտպանենք ու առաջ կգնանք, բայց մեզ ռեսուրս է պետք: Ես սփյուռքահայությանն եմ կոչ անում, մենք կենդանի ուժի ու ռեսուրսի կարիք ունենք, առնվազն՝ 10000 հոգի, որովհետև 10000 հոգի մեր Զինված ուժերից պակաս ունենք: Հասեք Հայաստան: Ձեզ ով ինչ կասի՝ ՀՀ-ն վտանգված է: Այո, մենք գոյապահպանման վտանգի առաջ ենք կանգնած՝ ֆիզիկական բնաջնջման: 10000 հոգի հողի տակ են, մեր ախպերները, մեր ընկերները, մեր ամենասրբությունները: Կռվող տղերք սփյուռքից, վերադարձե՛ք Հայաստան: Չլսեք պետական պաշտոնական որևէ լրատվության, ամբողջը ստահոդ է»,- կոչ արեց նա:

Մանախը խոսեց նաև իրենց կյանքին սպառնացող վտանգներից և դիմեց վարչապետի ժամանակավոր պաշտոնակատար Նիկոլ Փաշինյանին.

«Լսիր, պաշտպանյալ, մենք արդեն հիմնավոր տեղեկություններ, ուշադիր լսիր, որ ինձ և իմ խմբին «զակազ են տվել»: Եթե սրա մասին դեռ տեղեկացված չես, լսի ուշադիր, կլիենտ, որտեղով որ ես հիմա երթևեկում եմ, ժամը ֆիքսիր, կստուգես, կտենաս՝ ինչ եմ ասում, հենց նոր իմ դեմով անցավ Աբազը, չեմ ասում տեղանքը, կանչիր, ինքը կասի, որ էդ տեղեկատվությունը կա, որ ինձ և իմ խմբին «զակազ եք տվել», որ Սյունիքի ճանապարհին խփեն: Դու գիտես, չէ՞, որ ես զինված չեմ, ես ոչ մի զենք չունեմ: Իմ զենքն իմ տեսակն ա: Աբազը 5 րոպե առաջ իմ դեմով անցավ, կկապվես Աբազի հետ, հատուկ կհրահանգավորես, ոչ թե խնդրում եմ, որ ինձ չխփեն, հրահանգավորի, որ դա ակտիվացնի, որ խփեն, կտենանք՝ ում հետ ոնց կվերջանա էս ամեն ինչը: Մենք զինված չենք, ոչ մեկին չենք խփում: Եթե էդքան կան, թող իրանք խփեն իրանց ու զանգեն իմ ձեռքին: Փաշօղլու, զակազի հետևը դու ես կանգնած: Հենց հիմա «ատբոյ» ես տալիս էդ հրամանը: Մենք ամբողջ ինֆորմացիան տիրապետում ենք՝ «կիլլերը» որտեղից ա գալու և որ ռեյսով: Մենք չենք խփելու, մենք կուղեկցենք օպերատիվ ձևով»,- ասաց նա:

Մանրամասները՝ տեսանյութում