ՀԱՊԿ-ին ո՞ւր ես դիմել, ա՛յ տղա, դու զինված ուժեր չունե՞ս, ՊՆ չունե՞ս, ներքին զորքեր չունե՞ս. 500-1000 հոգանոց ջոկատներով ես ֆռֆռում Հայաստանում

«Հայաստանում չկա իշխանություն, այլ կա Թուրքիայի և Ադրբեջանի շահերը սպասարկող խունտա՝ կապիտուլյանտ Նիկոլի գլխավորությամբ»: Այս մասին լրագրողների հետ զրուցյում ասաց ՀՀԿ խոսնակ Էդուարդ Շարմազանովը։

Նրա խոսքով, երբ Հայաստանը չունի գործադիրի ղեկավար, այլ ունի «ֆեյսբուքյան լայվերով ժողովրդին մոլորության մեջ գցող մի խեղկատակ», ապա բնական է, որ ՀՀ սահմանների համար էլ գեներալ Մուրադովը պետք է բանակցի։

«200-250 հոգով քո սահման են մտնում՝ անգամ մի հատ օդ չկրակելով, բա ի՞նչ եք ուզում։ Ասում են՝ ՀԱՊԿ-ին են դիմել, բայց ՀԱՊԿ-ին ո՞ւր ես դիմել, ա՛յ տղա, դու զինված ուժեր չունե՞ս, ՊՆ չունե՞ս, ներքին զորքեր չունե՞ս։ 500-1000 հոգանոց ջոկատներով ես ֆռֆռում Հայաստանում, Սյունիք էլ սնայպերներով ես գնում, բա դրանք տանեիր՝ Սյունիքում սահմանները պահեին։ Չնայած, սրանց համար սա հայրենիք չի, իրենցից մեկը մեկ-երկու օր առաջ ասաց, որ իրենք ժողովրդին են պահում, հո ամայի տարածքները չեն պահելու։ Դե ժողովրդին բերեք կենտրոնացրեք մի տեղում, դարձրեք մի կոնսլագեր»,- նշեց նա։

Էդուարդ Շարմազանովը նկատեց, որ 4 օրում վեց հատ ԱԽ նիստ են հրավիրել:

«Արա՛, ժողո՞վ է, ի՞նչ է։ Եթե դու չես կարողանում, հել գնա, ով կարող է, նա կգա, կանի։ Դեռ ինչքա՞ն են սրան հանդուրժելու, ինչքա՞ն...քանի դեռ հայ ժողովրդի թեկուզ փոքր հատվածն իր տանը նստած անտարբեր սպասում է, իսկ մյուս՝ ավելի փոքր մասն էլ, մայիսի 9-ին ծափերով դիմավորում է հողատու կապիտուլյանտին, շարունակվելու է այս իրավիճակը»,- հարց հնչեցրեց նա, ապա ինքն իր հարցին պատասխանեց»,-ասաց շարմազանովը։