Չհրապարակված կադրեր՝ 2020 թ. հոկտեմբերի 30-ին՝ Ծաղկաբերդ բնակավայրի մոտ թշնամու հերթական գրոհը դեպի Բերձոր կասեցնելու մարտից (տեսանյութ)

Արշավիր Ղարամյանը ֆեյսբուքյան իր էջում տեսանյութ է հրապարակել և գրել է․

«Այսօր Արցախի` Հայաստանին դե-ֆակտո վերամիավորվելու օրն է։

1992 թվականի մայիսի 15-ին Արցախի ԻՊ ուժերի վաշտերը և Հայաստանի Հանրապետությունից կամավորական ջոկատները Զառանիստ բնակավայրի ուղղությամբ (Շուշիի մատույցներ) հետ մղելով ադրբեջանցիների վերջին հակագրոհները ` անցնել են հակահարձակման` ազատագրելով մի շարք բնակավայրեր` Լիսագոր բնակավայրը, Բերդաձորի ենթաշրջանի գյուղերը, Բերձոր (Լաչին) քաղաքը հարակից բնակավայրերով և մայիսի 18-ին հասնելով ՀՀ պետական սահմանին` իրականացրել հայության վաղեմի երազանքը:

Հպարտ եմ, որ իմ հրամանատարությամբ և Բերդաձորի տղաների (Հին Շենցի Ալյոշա Ասրյանի, Վրեժ Առուշանյանի, Լևոն Սարգսյանի և Զորիկ Հակոբյանի) ուղեկցությամբ Ակնաղբյուրի վաշտը ( կազված Ակնաղբյուր, Սարուշեն, Խաչմաչ, Ջրաղացներ, Մադաթաշեն, Մոշխմհատ գյուղերի և Ստեփանակերտ քաղաքի կամավորականներից) Զառանիստ-Լիսագոր-Մեծ Շեն-Աղանուս-Նովոստրոյկա-Հակարի-Կոռնիձոր- Վերին Ջիջիմլի, ինչպես նաև Ավետարանոց-Քիրս-Քիրսավան-Հին Շեն ուղղություններով ակտիվ մասնակցություն է ունեցել նշված փառավոր ռազմագործողությանը:

Փառք բոլոր մասնակիցներին, ՀԱԶԱՐ ՓԱՌՔ ԲՈԼՈՐ ՆԱՀԱՏԱԿՎԱԾՆԵՐԻՆ:

Հ.Գ.Չհրապարակված կադրեր 2020 թվականի հոկտեմբերի 30-ին` Քաշաթաղի շրջանի Ծաղկաբերդ բնակավայրի մոտ, թշնամու հերթական գրոհը դեպի Բերձոր կասեցնելու և ջախջախիչ պարտության մատնելու մարտից»։