5 մլրդ դոլարի պարտքը մեծ բեռ չէ՞

Հայաստանի կառավարության պետական պարտքը 2016թ. կկազմի 5 մլրդ 66 մլն դրամ։ Այս ցուցանիշը մոտ 400 մլն դոլարով գերազանցում է 2015թ. վերջին ակնկալվող թիվը: Newspress.am-ին տնտեսագետ Վարդան Բոստանջյանը ՀՀ պետական պարտքի վերաբերյալ ասաց, որ 5 մլրդ դոլար պարտքը հավասարվում է Հայաստանի ՀՆԱ-ի կեսին, թեև ցանկալի թիվ չէ, սակայն նման իրավիճակը օղապարան չէ ցանկացած երկրի համար և սպասարկելու համար անհնարին ոչինչի գոյություն չունի:

«Շատ հարուստ երկրների՝ ինչպես ԱՄՆ-ի, Ճապոնիայի պարտքի ինտիտուտն է, մինչև անգամ գերազանցել է ՀՆԱ-ն»,- ասաց նա, հավելելով, որ եթե ներգրավվող վարկերը ըստ էության արդյունավետ են օգտագործվում, ապա պարտքի նման չափը վտանգավոր չէ: Նա նաև նշեց, որ Հայաստանը պետական պարտքի առումով խնդիր է ունեցել, երբ վարկերը անարդյունավետ են ծախսվել և ոչ թափանցիկ: Սակայն այժմ արդյունավետ են օգտագործում:

Տնտեսագետը նաև շեշտեց, որ անգամ 6 մլրդ դոլար պարտքի դեպքում, եթե արդյունավետության աստիճանը բարձր է և գումարների հետքերը չեն կորչում, ապա պարտքի նման չափը վտանգավոր չէ: Միևնույն ժամանակ Վարդան Բոստանջյանը հիշատակեց, որ կառուցվել է -Հյուսիս-Հարավ ճանապարհի 12 տոկոսը, թեև Եվրասիական բանկը տրամադրել էր 1.5 մլրդ դոլար և պետք է կառուցված լիներ ճանապարհի 45 տոկոսը: Թեև այս իրավիճակը նա վարկերի անարդյունավետ օգտագործում չորակեց:

Տնտեսագետը վստահեցրեց, որ արդեն վարկերը արդյունավետ և թափանցիկ են օգտագործվում, իսկ թե հատկապես որ ժամանակահատվածից է վարկերը թափանցիկ և արդյունավետ օգտագործվում, Վարդան Բոստանջյանը կոնկրետ չնշեց: Նա նաև մտավախություն հայտնեց, որ նման իրավիճակը պահպանելու դեպքում, պարտքի կառավարումը չափազանց դժվար կլինի, թեև ներգրավվող վարկերը սպառողական բնույթ չեն կրում: Նաև համոզված է, որ այժմ ֆինանսական միջոցներն օգտագործվում են այնպիսի տեղերում, որը մեծացնում է ՀՀ առևտրաշրջանառությունը: