Ինչպե՞ս կարող են սարի մարդկանց օնլայն խորհրդատվություն տալ․ գյուղատնտեսության ոլորտի կրճատված աշխատակիցները՝ մարզպետին (տեսանյութ)

Էկոնոմիկայի նախարար Վահան Քերոբյանը որոշել է, որ Էկոնոմիկայի նախարարության գյուղատնտեսության խորհրդատվության նորարությունների և մոնիտորինգի վարչության մարզային բաժինների հաստիքներ հարկավոր չեն և կրճատել է աշխատողներին:

Այս որոշումը մարզպետարանների հետ չի քննարկվել։ Համենայնդեպս Արագածոտնի մարզպետ Դավիթ Գևորգյանը, կառավարության դիմաց ակցիա կազմակերպած աշխատակիցների հետ հանդիպելով նշեց, որ մարզպետարանում այդ մասին տեղյակ չեն եղել։

Աշխատակիցները չեն հասկանում նաև, թե ինչ սկզբունքով են կրճատումներ արել և ինչպես են որոշել, որ նրանց աշխատանքն այլևս հարկավոր չէ։

Աշխատակիցները պնդում են, որ խորհրդատվության համար անգամ սար են հասնում, «Ինչպե՞ս կարող են սարի մարդկանց օնլայն խորհրդատվություն տալ, եթե կապ չկա ու անգամ մեքենան այնտեղ չի կարողանում հասնել»,-իրենց հարցն ուղղեցին քաղաքացիները մարզպետին։

Վերջինս էլ նկատեց, որ կիսում է մտահոգությունը, և կողմ է, որ ցերանայվի որոշումը։

«Պետք է նայել՝ էս մարդը մասնագե՞տ ա, էն մեկը չէ՞, ասեն ցավդ տանեմ, դու գնա ես ուրիշ մասնագետ կբերեմ»,-նշեց Դավիթ Գևորգյանը։

Նկատենք, որ վարչության բաժիններում տալիս են խորհրդատվություններ կապված՝ բույսերի ու անասունների բուժման և այլ պրոֆիլակտիկ աշխատանքների հետ:

Մանրամասները՝ տեսանյութում․