«Տեր-Պետրոսյանը բոլորին նախանձում էր. պատրաստ է ոչնչացնել, որովհետև նախանձում է». Հովիկ Աղազարյան (տեսանյութ)

Լևոն Տեր-Պետրոսյանը երբեք ինձ  չի զարմացրել, որովհետև ես իրեն ճանաչում եմ շատ շուտվանից, բայց այդուհանդերձ պետք է ասեմ, որ սա ինձ համար անակնկալ էր: Այս մասին այսօր Ազգային ժողովում լրագրողների հետ զրույցում ասաց ԱԺ «Իմ քայլը» խմբակցության պատգամավոր Հովիկ Աղազարյանը՝ անդրադառալով ՀՀ առաջին նախագահ Լևոն Տեր-Պետրոսյանի առաջարկությանը՝ ՀՀ երկրորդ և երրորդ նախագահներին:

«Ես դրա բացատրությունն ունեմ. Լևոն Տեր-Պետրոսյանի ինքնասիրահարվածության աստիճանը ես հիշում եմ 90 ականներին, երբ ինքը նախագահ էր և ընտրվել էր  բացարձակապես արդար ընտրություններում: Այդ ժամանակ, երբ որ մարդիկ հացի հերթ էին կանգնում գիշերվա ժամը 2-ից, որ առավոտը հաց առնեն, հիացած խոսում էին իր մասին: Էն որ ասում են դրսից ուրիշի աչքն էր հանում, ներսից՝ մեր, իսկական հենց էդ էր: Էն ժամանակ էլ, ինքն իրենից բացի ոչ մեկին չէր նկատում»,- ասաց պատգամավորը: 

Նա ասաց, որ Տեր-Պետրոսյանն իրեն 90-ականներին է ոչնչացրել, հիմա էլ պատրաստ է ոնչացնել նրանց, ովքեր 2008-ին իր հետ էին. «Լիքը երիտասարդներ, իրենից սովորելով հանդերձ, այսօր Հայաստանում իրավիճակ փոխեցին, ինքնուզում է դրանց ոչնչացնի, որովհետև ինքը նախանձում է նրանց, որպեսզի ինքը մնա ամեն ամենաամենան»:

Աղազարյանի կարծիքով՝ Տեր-Պետրոսյանը չի կարողանում հանդուրժել այն իրավիճակը, որ Նիկոլ Փաշինյանն ու իր երիտասարդ թիմն այս իրավիճակից դուրս գան պատվով և հունիսի 20-ին ներկայանալով ժողովրդի դատին՝ ունենան այնպիսի արդյունք, որը Տեր-Պետրոսյանի համար սարսափելի կլինի:

«Ինքը բոլորին էր նախանձում, ներկայանալի լինելով հանդերձ՝ բոլորին նախանձում էր: Վազգեն Մանուկյանն ընտրվեց նախագահ 1996 թվականին, բայց հայտնի ուժերն իրեն պահեցին»,- ասաց Աղազարյանը: