Եթե ըստ զեկույցի Արտակ Դավթյանը մեղավոր է Ապրիլյանի հարցում, ապա նա չէր կարող լինել Գլխավոր շտաբի պետ․ Մարուքյան (տեսանյութ)

ԱԺ «Լուսավոր Հայաստան» խմբակցությունը կողմ է Ապրիլյան պատերազմի բացահայտման հարցով հանձնաժողովի կազմած զեկույցը հրապարակայնացվի, սակայն քանի դեռ այն չի գաղտնազերծվել՝ խմբակցության ղեկավար Էդմոն Մարուքյանը դեմ է դրա մասին որևէ հրապարակային կարծիք հայտնել։

Նա ԱԺ-ում, փակ նիստից հետո լրագրողների հետ զրույցում ասաց, որ ընդ, հանուր առմամբ զեկույցից գոհ չէ, քանի որ, ըստ Էդմոն Մարուքյանի, զեկույցն ունի թերություններ։ Իսկ քանի որ նիստն ու ելույթները եղել են փակ ռեժիմով, նա թերությունների մասին հրաժարվեց խոսել, միայն նկատեց, որ եթե Գլխավոր Շտաբի այսօրվա պետը` Արտակ Դավթյանը, մեղավորեից է (ըստ զեկույցի), ապա նա չէր կարող լինել ԳՇՏ պետ։

«Եթե դա այդպես է, ուրեմն մենք չունենք անկողմնակալ քննություն այս մասով։ Ով դեռ պետք է՝ դեռ չի մեղադրվի, իսկ ով որ պետք չի՝ կմեղադրվի»,-ասաց Մարուքյանը՝ դարձյալ հիշեցնելով, որ զեկույցը փակ է և շատ բան չի կարող ասել։

Դիտարկմանը, թե այն ինչ արդեն տեղի է ունցել այլևս չի կարող գաղտնի լինել, հատկապես, որ դրա մասին արդեն արդեն ասել են, որ այն այլևս գաղտնիկ չի պարունակում, Մարուքյանն արձագանքեց, որ իրեն ասել են, թե գաղընի է։

Լրագրողի հարցին, թե ով է ասել՝ Մարուքյանը մատով մի քանի անգամ վերև ցույց տվեց։ Երբ հարցը նորից կրկնեցին՝ նա մատով ու նաև այս անգամ գլով վերև ցույց տալով՝ ասաց․

«Իշխանությունը որոշել է, որ գաղտնի է»։

Մանրամասները՝ տեսանյութում․