Պահպանվում է այդ թեզը, որ Արթուր Վանեցյանը հնչեցրել է՝ նախկին բարքերին վերադարձ չի լինելու (տեսանյութ)

«Հայրենիք» կուսակցության ղեկավարը և կուսակցության անդամներն ասել են, որ «սևերի և սպիտակների» բաժանումը կեղծ օրակարգ է, որը եղել է ամիսներ առաջ՝ դրան վերադարձ չի լինելու։ Այս մասին ասուլիսի ժամանակ ասաց «Հայրենիք» կոuսակցության մամլո խոսնակ Սոս Հակոբյանը։ 

Նրա խոսքով ՀՀԿ-ն և «Հայրենիք» կուսակցությունները քաղաքական լուրջ ուժեր են։ 

«Մեկ ուժով հանդես գալը բերելու է ավելի մեծ վստահության քվե, քան երկու բևեռով գնալը: Իսկ արդեն դրանից հետո քաղաքական կոնսուլտացիաները կոալիցիա կազմելու շուրջ նորմալ երևույթ են լինելու: Մասնատում չկա: Այդ վերաբերմունքը կպահպանվի: Մեր դաշինքը շատ մեծ վստահություն է ստանալու Ազգային ժողովում»,-ասաց խոսնակը:

Դիտարկմանը, թե Վանեցյանը տարիներ առաջ պնդում էր որ նախկինին վերադարձ չի լինելու՝ Սոս Հակոբյանն արձագանքեց, որ նախկինը այն արատավոր բարքերն են, որոնք եղել են։

«Պահպանվում է այդ թեզը, որ Արթուր Վանեցյանը հնչեցրել է՝ նախկին բարքերին վերադարձ չի լինելու։ Նմանատիպ տեստ հնչեցրել է 3-րդ նախագահ Սերժ Սարգսյանը, որ անցյալին վերադարձ լինել չի կարող, բայց անցյալը պետք է հասկանալ, որ կառուցել ապագան։ Ես չեմ ցիտում, բայց տեստը մոտավորապես սա էր իմաստ»,-ասաց Սոս Հակոբյանը՝ նշելով, որ նախկին ասելով չպետք է հասկանալ որևէ խմբի   կամ թիմի, նախկին ասելով պետք հասկանալ նախկին արատավոր բարքերն իր մեջ պարունակող ցանկացած մեկին և տարբերություն չի լինի, թե ով կլինի այդ անձը՝ կենթարկվի պատասխանատվության։

Մանրամսները՝ տեսանյութում