Վանաձորի քաղաքապետի ձեռքերը չկեղտոտելու անհագուրդ ցանկությունն ու նրա դեմ հարուցված քրգործը

Վանաձորի քաղաքապետ Սամվել Դարբինյանի ազգական Վիկտոր Դարբինյանը, դեռ նոյեմբեր ամսին բողոք է ներկայացրել Լոռու մարզի դատախազություն՝ քաղաքապետի դեմ:

newspress.am-ի հետ հարցազրույցում Վիկտոր Դարբինյանը հաստատեց լուրն, ավելացնելով, որ քաղաքապետի նկատմամբ հարուցվել է քրեական գործ (ՀՀ քրեական օրենսգրքի 309 հոդվածի հատկանիշներով), իր պաշտոնական լիազորությունները չարաշահելու փաստով:

Մեր զրուցակցի խոսքով քաղաքապետն իրենից ցանկանցել է վերցնել Վանաձորի թիվ 1 երթուղին: Նկատենք, որ արդեն տաս տարի երթուղին սպասարկում է Վիկտոր Դարբինյանին պատկանող՝ «Դիկտիս ՍՊԸ»-ը:

«Մոտ 4-5 ամիս առաջ գործնական առաջարկներ են արել՝ երթուղին ինքնակամ հանձնելու ակնկալիքով, հետո ասացին, եթե լավ ձևով չհանձնեմ, ապա իմ ամբողջ բիզնեսը ձեռքիցս կվերցնեն: Հետո էլ, երբ ասեցի ես կդիմեմ իրավապահներին` մի քիչ հանդարտվեցին»,- ասաց Վիկտոր Դարբինյանը՝ հավելելով, որ երբ որոշել է վաճառել գիծը, այդ ժամանակ իրեն ասել են, թե ուրիշին չեն թողնի գնի ու իրենց գինն են թելադրել:

Սակայն ավելի ուշ, քաղաքպետը, Վիկտոր Դարբինյանի խոսքով, օրինական շղարշի ներքո, մրցույթի կարգով վերջապես քաղաքապետը հասել է իր նպատակին:

Վիկտոր Դարբինյանն ասում է, որ մինչ այդ, քաղաքապետը շանտաժել է իրեն, թե մրցույթն իրենց ձևով կանցկացնեն ու ձեռքից կվերցնեն երթուղին՝ օրենքով ձևակերպված փաստաթղթերով:

«Երբ մրցույթը տանուլ տվեցի, որոշեցի դիմել իրավապահ մարմիններին: Ես քննությանը կներկայացնեմ քաղաքապետի իմ դեմ ուղղված բոլոր անօրինական քայելրը, թե ինչպես սկսեց իմ կազմակերպության դեմ աշխատել»,- հավելեց նա:

Այժմ Վիկտոր Դարբինյանը պատրաստվում է դիմել վարչական դատարան` մրցույթի արդյունքերը վիճարկելու համար: Արդեն իսկ երկուշաբթի կամ երեքշաբթի նա պատրաստվում է գնալ դատարան:
Նկատենք նաև, որ մրցույթում հայտեր ներկայացնող ընկերությունների համար ստեղծվել են անհավասար պայմաններ: Իսկ հանձնաժողովի նախագահ Սամվել Դարբինյանը, հավանաբար փորձելով «չկեղտոտել ձեռքերն ու ուրիշի ձեռքով օձ բռնել», ընդհանրապես ներկա չի եղել մրցույթին: