Նիկոլը պետք է կառավարական տնից դուրս գա, գնա վեր ընկնի իր Երրորդ մասի տանը․ ինչո՞ւ գլխավոր դատախազությունը քրգործ չի հարուցում․ Իսագուլյան

«Հրաժարականից հետո վարչապետի պաշտոնը մնում է թափուր, և հրաժարական տված վարչապետը չի կարող պատշոնավարել՝ որպես ժամանակավոր պաշտոնկատար»։

Այս մասին լրագրողների հետ հանդիպմանն ասաց «Ազգային անվտանգություն» կուսակցության նախագահ Գառնիկ Իսագուլյանը:

Այն, որ գործող վարչապետը հրաժարականից հետո չի կարող մնալ որպես ԺՊ, 2018 թվականին ասել է նաև ինքը՝ Նիկոլ Փաշինյանը։ Նա հիշեցրեց, որ այն ժամանակ իրավաբանները Փաշինյանին ասել էին դրա մասին, ու Փաշինյանն էլ բարձրաձայնեց դրա մասին։

«Տղամարդը, եթե մի բան է ասել այսօր, բայց հաջորդ օրը փոխում է իր կարծիքը, առնվազն բարձր որակավորման զազրախոսի տղա է։ Նիկոլը 2018-ին մի բան էր ասում, հիմա՝ այլ։ Հիմա եթե օրենք էլ չընդունի, իրեն պիտի ցույց տանք, ասենք՝ տես, քո ասածն է, ու սրա հիման վրա դու չես կարող պաշտոնավարել»,- ասաց Իսագուլյանը։

Նա նկատում, որ ըստ Սահմանադրության, հրաժարական տալուց հետո Փաշինյանը դառնում է շարքային քաղաքացի։

«Նիկոլը պետք է կառավարական տնից դուրս գա, գնա վեր ընկնի իր Երրորդ մասի տանը։ Հիմա ո՞նց բացատրես էս մարդկանց։ Նորմալ մարդկային խոսքը սրանց համար անհասկանալի է։ Հարց է առաջանում՝ ինչո՞ւ գլխավոր դատախազությունը քրգործ չի հարուցում, եթե Նիկոլը մտել է Կառավարություն, ու չունենալով որևէ լիազորություն, փորձում է կառավարել»,- նշեց Իսագուլյանը։