Որքան էլ փող ծախսեն` միևնույն է չեն փրկվի. սպանված կուրսանտի հայր (տեսանյութ)

«Կարեն Բաղրամյանը Հայկազին չի ծեծել, նրա սպանության հետ կապ չունի»,- newspress.am -ի հետ զրույցում ասաց Վազգեն Սարգսյանի անվան ռազմական ինստիտուտի հունավարին սպանված կուրսանտ Հայկազ Բարսեղյանի հայրը` Արկադի Բարսեղյանը: Նա մանրամասնեց, որ ընդամենը վիճաբանություն է եղել, որը հարթվել է: Սպանված կուրասնտի հայրը նաև պատմեց, որ բազմիցս ասել է, որ չեն ուզում, որ Կարենին դատեն, բայց նրա նկատմամբ մեղադրանք է առաջադրվել Քրեական օրենսգրքի 359-րդ հոդվածի 1-ին մասով: Նշվում է, որ Կարենը Հայկազին մարմնական վնասվածքներ է հասցրել. «մարմնական վնասվածքներ չի հասցրել, մի հատ ինքն ա խփել, մի հատ էլ Հայկազը, թող չասեն, թե կապտուկներ են եղել»,- շեշտեց Արկադի Բարսեղյանը:

Նա հիշեցրեց, որ սպանության մեջ մեղադրվողները 4-ն են, նախաքննությամբ փաստեր են ձեռքբերվել: Ըստ մեղադրական եզրակացության՝ ռազմական ինստիտուտի կուրսանտներ` Գնել Թևոսյանը, Նորիկ Սահակյանը, Վաչե Սահակյանը և Մովսես Ազարյանը դաժանությամբ, խուլիգանական դրդումներով սպանել են կուրսանտ Հայկազ Բարսեղյանին: Գործը չնայած դատարանում է, բայց դատական նիստերը հետաձգվում են, ամեն անգամ տարբեր պատաճառաբանությամբ. «հաջորդ դատական նիստը հինգշաբթի է, երաշխիք չկա, որ կկայանա, տականքների փաստաբանները ժամանակ են ձգում, ծնողները որքան էլ իրենց որդիների համար, եթե իրենց կարելի է որդի կոչել, փող ծախսեն` միևնույն է չեն փրկի»,- ասաց նա :

Արկադի Բարսեղյանին զայրացրել է հատկապես այն, որ դեկտեմբերի 1-ին Գնել Թևոսյանի պաշտպանը կրկին հայտարարել է, որ սպանություն չի եղել, ինքնասապանություն է, և չորս մեղադրյալները կապ չունեն գործի հետ:

Մանրամսները ` տեսանյութում