ԳՈՒՄ-ի մսի շուկայում վերահսկողություն չկա (տեսանյութ)

ԳՈՒՄ-ի շուկայի հարակից տարածքում արդեն քանի տարի է սեփական տների բնակիչները շենքերի որոշ հատվածները մսավաճառներին հանձնել են վարձակալության: Այստեղ առևտուրը տեղի է ունենում հակասանիտարական և հակահիգիենիկ պայմաններում, չկան անհարժեշտ պայմաններ՝ միսը սառնարաններում պահպանելու, սանիտարական վիճակ ապահովելու համար: Հաճախ իրացվող միսը կարելի է տեսնել գետնին, լավագույն դեպքում կասկածելի տարաների մեջ, իսկ դարակների վրայի միսն արդեն վստահություն չի ներշնչում: Սակայն այս վիճակում առևտուրը շարունակվում է, քանի որ կան գնորդներ, իսկ վերահսկող լիազոր մարմինը չի կարողանում պայքարել նման հակահիգիենիկ վիճակը կարգավորելու համար: ՍԱՊԾ-ում խոստովանում են, որ իրենք լծակ չունեն և չեն կարող միայնակ պայքարել ու կանոնակարգել մսի վաճառքը:

Մանրամասները` տեսանյութում