Ակնհայտ հանցագործություն էր. ձերբակալությունները վարչապետի հրանհանգով չէր, և ոչ էլ նրան հայհոյելու համար. փոխոստիկանապետ (տեսանյութեր)

Առերևույթ խուլիգանության դեպքեր են տեղի ունեցել և ոստիկանությունը ձեռնարկել է համապատասխան միջոցառումներ: Այդ մասին ՀՀ կառավարության նիստից հետո լրագրողների հետ զրույցում ասա  ՀՀ ոստիկանության պետի տեղակալ Արա Ֆիդանյանը՝ անդրադառնալով երեկ՝ ապրիլի 21-ին Սյունիքում տեղի ունեցած իրադարձություններին ու զանգվածային ձերբակալություններին:

Նա նկատում է, որ այս պահին կալանավորման մասին ոչինչ չի կարող ասել, բայց գործի քննությունը ցույց կտա հետագա ընթացքը:

Թե որքա՞ն հրատապ էին ձերբակալությունները, որ ոստիկանությունը չի սպասել լույսը բացվի և գիշերվա 3-ին է ներխուժել բնակարաններ ու բերման ենթարկել մարդկան, ոստիկանապետի տեղակալը պարզաբանում է՝ «ակնհայտ առկա է հանցագործության դեպք»:

Լրագրողի հարցին, թե «Ի՞նչ էին արել, մա՞րդ էին սպանել», Ֆիդանյանը պատասխանեց՝ «Խուլիգանություն են արել»...

Ճշտող հարցին, թե փոխոստիկանապետը նկատի ունի վարչապետին ուղղված հայհոյանքը՝ վերջինս բացասական պատասխանեց. «չէ»:

Նա նկատեց, որ կուսումնասիրեն և կպարզեն՝ եթե բերման ենթարկվածները մեղավոր չեն՝ կազատեն նրանց:

NEWSPRESS.am-ի հարցին, թե բերման ենթարկելուց հետո՞ չպետք է պարզեք, թե ինչու եք բերման ենթարկել, ոստիկանապետի տեղեկալն ըստ էության չպատասխանեց:

Նա նշեց, որ տեղեկություն չունի, թե կոնկրետ որ անձի նկատմամբ ինչ գործողություն է կատարվել և արդեն 3-րդ անգամ կրկնեց նույն տեքստը՝ «առերևույթ հանցագործություն են կատարել»:

Մեկ այլ լրագրողի հարցին էլ, թե եթե հանցագործությունն այդչափ առեևույթ էր, ապա ինչո՞ւ ոստիկանները հենց սկզբից չէին բերման ենթարկում քաղաքացիներին, այլ միայն դա արեցին ուժայիններին ուղղված վարչապետի հրամանից հետո, Ֆիդանյանը նկատեց, որ «ոստիկանաությունը մշտապես աշխատում է, ուղղակի չկային անհրաժեշտ քանակության ուժեր»: Իսկ թե որքան ուժ է միացել Երևանից Սյունիքի ոստիկաններին՝ նա թվեր չի ասում. «Երևանեից գնացել է այնքան ուժ, որքան անհրաժեշտ է»: 

Նա համամիտ չէ այն մտքի հետ, թե վարչապետն, ըստ էության, ուղորդել է ուժայիններին. «Ի՞նչ է նշանակում ուղորդել»...

Մանրամասները՝ տեսանյութում