Գետահովիտում թունավորումն առաջացել է այգուց հավաքած տապակած կանաչու հետևանքով

Գետահովիտ գյուղում գրանցված սննդային թունավորման հետևանքով 16 ամյա տղան ներկա պահին գտնվում է «Մուրացան» համալսարանական հիվանդանոցում։

Այդ մասին տեղեկացնում է հիվանդանոցի մամուլի խոսնակ Շուշան Դանիելյանը:

Նա նկատում է, որ երեխայի վիճակը գնահատվում է կայուն, երեկվա համեմատ՝ ավելի լավ։ Այս պահին երեխայի առողջական վիճակը գտնվում է տարբեր նեղ մասնագետների՝ ռեանիմատոլոգի, ինֆեկցիոնիստի, թունաբանի ուշադրության կենտրոնում:

Հիշեցնենք, որ Ապրիլի 20-ին, ժամը 09։26-ին Ճգնաժամային կառավարման ազգային կենտրոն տեղեկություն է ստացվել, որ ապրիլի 19-ին, ժամը 22:26-ին սննդային թունավորում ախտորոշմամբ Տավուշի մարզի Իջևան քաղաքի ԲԿ են տեղափոխվել Գետահովիտ գյուղի բնակիչներ Ս․ Հ․-ն (ծնված 1980 թ.), Ա․ Հ․-ն (ծնված 1980 թ.), Ս․ Ա․-ն (ծնված 2007 թ.) և Ս․ Հ․-ն (ծնված 2009 թ.):

Ս․ Հ․-ն (ծնված 2009 թ.) Իջևան քաղաքի ԲԿ-ում մահացել է։ Ս․ Հ․-ն և Ա․ Հ․-ն տեղափոխվել են Երևան քաղաքի «Հերացի» թիվ 1 հիվանդանոցային համալիր, իսկ Ս․ Ա․-ն (ծնված 2007 թ.) տեղափոխվել՝ «Մուրացան» ԲԿ:

Նախնական տվյալներով թունավորումն առաջացել է այգուց հավաքած տապակած կանաչու հետևանքով: